Monday, July 15, 2024
Home » நூறுநாள் வேலை வழங்கக்கோரி கோவில்பட்டி யூனியனை பெண்கள் முற்றுகை

நூறுநாள் வேலை வழங்கக்கோரி கோவில்பட்டி யூனியனை பெண்கள் முற்றுகை

by Karthik Yash

கோவில்பட்டி, ஜூலை 2: நூறு நாள் வேலை திட்டத்தில் அனைவருக்கும் முறையாக வேலை வழங்கக்கோரி கோவில்பட்டி யூனியன் அலுவலகத்தை பெண்கள் முற்றுகையிட்டுப் போராட்டம் நடத்தினர். கோவில்பட்டி யூனியனுக்கு உட்பட்ட பாண்டவர்மங்கலம் பஞ்சாயத்தில் தேசிய ஊரக வேலை வாய்ப்பு திட்டம் மூலம் நூறு நாள் வேலை வழங்கப்பட்டு வந்தது. 2 பணித்தள பொறுப்பாளர்கள் தலைமையில் தலா நூறு பேர் என மொத்தம் 200 பேர் வேலை பார்த்து வந்தனர். தற்போது 10 பேருக்கு மட்டுமே வேலை வழங்கப்படுவதாகக் கூறப்படுகிறது. இதையடுத்து ஊரக வேலை வாய்ப்பு திட்டத்தில் அனைவருக்கும் முறையாக வேலை வழங்க வலியுறுத்தி கோவில்பட்டி யூனியன் அலுவலகத்திற்கு திரண்டுவந்த பாண்டவர்மங்கலம் பஞ்சாயத்தை சேர்ந்த பெண்கள் திடீரென முற்றுகையிட்டுப் போராட்டத்தில் ஈடுபட்டனர். பின்னர் அவர்கள் கோரிக்கைகளை வலியுறுத்தி மனு அளித்தனர். மனுவை பெற்றுக் கொண்ட அதிகாரிகள், அனைவருக்கும் வேலை வழங்க உரிய நடவடிக்கை எடுக்கப்படும் என உறுதியளித்தனர். அதன்பிறகே அனைவரும் அங்கிருந்து கலைந்து ச் சென்றனர்.

You may also like

Leave a Comment

4 − one =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi