திருச்செங்கோடு கூட்டுறவு சங்கத்தில் ₹6.90 லட்சத்திற்கு பருத்தி விற்பனை

திருச்செங்கோடு, ஆக.7: திருச்செங்கோடு வேளாண் உற்பத்தியாளர்கள் கூட்டுறவு விற்பனைச் சங்கத்தில், வாராந்திர பருத்தி விற்பனை ஏல முறையில் நேற்று நடந்தது. மொத்தம் 228 மூட்டை பருத்தி ₹5.58 லட்சத்திற்கு விற்பனையானது. பருத்தி ரகங்களை முசிறி புதுப்பட்டி, வடக்கு நல்லியம்பட்டி, தெற்கு நல்லியம்பட்டி, தண்டலை, திருத்தலையூர், சேங்கணம், ராசிபுரம், கதிரா நல்லூர், புதுச்சத்திரம், துறையூர், அம்மம்பாளையம், மருவத்தூர் போன்ற பகுதிகளிலிருந்து விவசாயிகள் கொண்டு வந்தனர். பிடி பருத்தி குவிண்டால் ₹5,099 முதல் 7340 வரை விற்பனையானது. அதே ேபால் 16 மூட்டை எள் ₹1.32 லட்சத்திற்கு விற்பனையானது. கருப்பு எள் கிலோ ₹114.20 முதல் 142.70 வரையும், சிவப்பு எள் ₹121.20 முதல் 155.10 வரையும், வெள்ளை எள் ₹131.50 வரை விற்பனையானது.