Saturday, April 13, 2024
Home » தம்பதி வீட்டில் பதுக்கி வைத்த 4 செம்மரக்கட்டைகள் பறிமுதல் குடியாத்தத்தில் திடீர் பரபரப்பு திருட்டு வழக்கில் கோவை போலீஸ் விசாரணை

தம்பதி வீட்டில் பதுக்கி வைத்த 4 செம்மரக்கட்டைகள் பறிமுதல் குடியாத்தத்தில் திடீர் பரபரப்பு திருட்டு வழக்கில் கோவை போலீஸ் விசாரணை

by Karthik Yash

குடியாத்தம், மார்ச் 7: குடியாத்தத்தில் திருட்டு வழக்கில் கோவை போலீசாரால் விசாரணைக்கு அழைத்து செல்லப்பட்ட தம்பதி வீட்டில் வனத்துறையினர் நடத்திய சோதனையில் 4 செம்மரக்கட்டைகள் பறிமுதல் செய்யப்பட்ட சம்பவம் பரபரப்பை ஏற்படுத்தி உள்ளது. வேலூர் மாவட்டம் குடியாத்தம் காந்திநகரில் ராஜா(45), அவரது மனைவி ராணி(40) ஆகியோர் வனத்துறை அலுவலகம் செல்லும் வழியில் ஒரு வீடு வாடகைக்கு எடுத்து கடந்த 5 ஆண்டுகளாக வசித்து வருகின்றனர். இந்நிலையில் இவர்களுக்கு திருட்டு, வழிப்பறி உள்ளிட்ட பல்வேறு சம்பவங்களில் தொடர்புடையதாக கோவை போலீசார் நேற்று ராஜா, ராணியை காந்தி நகரில் உள்ள அவர்களது வீட்டில் கைது செய்து விசாரணைக்காக கோவைக்கு அழைத்துச்சென்றனர். இந்நிலையில் இவர்கள் செம்மரக்கட்டைகளை வெட்டி வெளி மாநிலங்களுக்கு கடத்துவதாக குடியாத்தம் வனத்துறையினருக்கு ரகசிய தகவல் கிடைத்தது. அதன்பேரில் குடியாத்தம் வன ரேஞ்சர் வினோபா தலைமையிலான வனத்துறையினர் ராஜா வீட்டில் சோதனையில் ஈடுபட்டனர். அப்போது அங்கு 4 செம்மரக்கட்டைகளை பதுக்கி வைத்திருப்பது தெரிய வந்தது. பின்னர் 4 செம்மரக்கட்டைகள் மற்றும் ரம்பங்கள் ஆகியவற்றை பறிமுதல் செய்த வனத்துறையினர் வழக்குப்பதிந்து விசாரித்து வருகின்றனர். மேலும் இதுகுறித்து குடியாத்தம் டவுன் இன்ஸ்பெக்டர் பார்த்தசாரதி, தனிப்பிரிவு தலைமை காவலர் அரி மற்றும் போலீசார் விசாரணை நடத்தி வருகின்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.

You may also like

Leave a Comment

20 − 18 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi