தஞ்சாவூர், ஆக். 6: தஞ்சாவூரில் சர்வதேச ‘ஓப்பன் கராத்தே போட்டி’யில் 4 ஆயிரத்துக்கும் மேற்பட்ட வீரர்கள் பங்கேற்றனர். தஞ்சாவூரில் சர்வதேச அளவிலான ‘ஓபன் கராத்தே போட்டி’ தஞ்சாவூர் தனியார் பல்கலைக்கழகத்தில் நடைபெற்றது. இரண்டு நாட்கள் நடைபெற்ற இப்போட்டியில், சென்னை, கோவை, மதுரை, திருச்சி உள்ளிட்ட மாவட்டங்களில் இருந்தும்;
கர்நாடகா , கேரளா, தெலுங்கானா, டெல்லி உள்ளிட்ட வெளி மாநிலங்களில் இருந்தும்; தாய்லாந்து, இலங்கை உள்ளிட்ட வெளிநாடுகளில் இருந்தும் வந்த 4 ஆயிரத்துக்கும் மேற்பட்ட கராத்தே வீரர்கள் போட்டியில் பங்கேற்று தங்களது திறமையை வெளிப்படுத்தினர். போட்டியில், வெற்றி பெற்றவர்களுக்கு தஞ்சாவூர் பாராளுமன்ற உறுப்பினர் முரசொலி சான்றிதழ், பரிசுகோப்பை ஆகிவற்றை வழங்கி, பேசினார். தென்னிந்திய கராத்தே கழக தலைவர் அன்பரசன் ஏற்பாடுகளை செய்திருந்தார்.
