டிப்பர் லாரியில் கற்கள் கடத்திய டிரைவர் கைது

தர்மபுரி, ஆக. 3: தர்மபுரி மதிகோண்பாளையம் எஸ்ஐ சேகர் மற்றும் போலீசார், நேற்று முன்தினம் ரோந்து சென்றனர். அப்போது எட்டிமரத்துப்பட்டி கலெக்ட்ரேட் ரோடு பகுதியில், வாகன தணிக்கையில் ஈடுபட்டனர். அவ்வழியாக வந்த டிப்பர் லாரியை நிறுத்தி சோதனை செய்தனர். அதில், ₹2 ஆயிரம் மதிப்பிலான கற்களை கடத்தி செல்வது கண்டுபிடிக்கப்பட்டது. இதையடுத்து லாரி டிரைவரிடம் விசாரித்த போது, அவர் தர்மபுரி வேடியப்பன்திட்டு பகுதியை சேர்ந்த அருண்குமார் என்பது தெரிந்தது. இதையடுத்து அவரை போலீசார் கைது செய்து, லாரியை பறிமுதல் செய்தனர்.