Thursday, February 29, 2024
Home » சிறுமியின் திருமணத்தை தடுத்து நிறுத்திய அதிகாரிகள்

சிறுமியின் திருமணத்தை தடுத்து நிறுத்திய அதிகாரிகள்

by Ranjith

 

மேட்டுப்பாளையம், நவ.29: மேட்டுப்பாளையத்தை சேர்ந்தவர் 17 வயது சிறுமி. இவர் 11ம் வகுப்பு வரை படித்து விட்டு ஆன்லைன் மூலமாக மேற்படிப்பு படித்து வருகிறார். இந்த நிலையில் இவருக்கும், மேட்டுப்பாளையத்தை சேர்ந்த 27 வயது வாலிபருக்கும் கடந்த 26ம் தேதியன்று தனியார் திருமண மண்டபத்தில் வைத்து நிச்சயதார்த்தம் நடைபெற்றதாக 1098 சைல்ட் ஹெல்ப்லைனுக்கு தகவல் வந்தது. இதனை தொடர்ந்து காரமடை ஊராட்சி ஒன்றிய ஊரக நல அலுவலர் அமராவதி மேட்டுப்பாளையம் அனைத்து மகளிர் காவல் நிலையத்தில் புகார் அளித்துள்ளார்.

அதன் பேரில் சம்பவ இடத்திற்கு விரைந்து சென்ற இன்ஸ்பெக்டர் சித்ரா, எஸ்எஸ்ஐ மகேஸ்வரி, கிராம நிர்வாக அலுவலர் யாசர், ஊரக நல அலுவலர் அமராவதி, குழந்தைகள் நல உதவி மைய அலுவலர் கல்பனா உள்ளிட்டோர் தனியார் திருமண மண்டபத்தில் சிறுமியின் தந்தையிடம் விசாரணை மேற்கொண்டனர். விசாரணையில் சிறுமிக்கு 17 வயது என்பதும், கடந்த 26ம் தேதி நிச்சயதார்த்தம் நடைபெற்றதும், 27ம் தேதியன்று திருமணம் நடக்க இருந்ததும் தெரிய வந்தது.

மேலும், தற்போது நிச்சயதார்த்தம் மட்டுமே நடைபெற்றுள்ளதாகவும், 18 வயது முடிந்த பிறகே திருமணம் செய்ய இருப்பதாகவும் பெற்றோர் தெரிவித்துள்ளனர். இதனையடுத்து சிறுமியின் பெற்றோர் மற்றும் இளைஞரின் பெற்றோரை கடுமையாக எச்சரித்து, 18 வயது நிரம்பிய பிறகே சிறுமிக்கு திருமணம் நடத்த வேண்டும் எனவும் அறிவுறுத்தினர்.

You may also like

Leave a Comment

19 − 6 =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2023 – Designed and Developed by Sortd.Mobi