Thursday, April 18, 2024
Home » சாயல்குடி அருகே கரை ஒதுங்கிய டால்பின்

சாயல்குடி அருகே கரை ஒதுங்கிய டால்பின்

by Mahaprabhu

சாயல்குடி, மார்ச் 31: சாயல்குடி அருகே இறந்து கரை ஒதுங்கிய டால்பினை வனத்துறையினர் புதைத்தனர். சாயல்குடி அருகே வாலிநோக்கம் மன்னார் வளைகுடா கடலில் நேற்று முன்தினம் டால்பின் ஒன்று இறந்து கரை ஒதுங்கியது. இதனை பார்த்த மீனவர்கள் கீழக்கரை வனத்துறையினருக்கு தகவல் கொடுத்தனர். அதன் பேரில் கீழக்கரை மன்னர் வளைகுடா வனச்சரக அலுவலர்கள் செந்தில்குமார், கனகராஜ் மற்றும் வேட்டை தடுப்பு காவலர்கள் இறந்த டால்பினை ஆய்வு செய்தனர்.

இறந்த நிலையில் கரை ஒதுங்கிய அந்த அரிய வகை டால்பின் 4 அடி நீளமும் 70 கிலோ எடை கொண்டது. இரண்டு வயது குட்டி டால்பின் என வனத்துறையினர் தெரிவித்தனர். மேலும் காலநிலை மாற்றம் அல்லது மன்னார் வளைகுடா கடல் பகுதியில் உள்ள பவளப் பாறை உள்ளிட்ட கடல்பாறைகளில் மோதி இறந்திருக்கலாம் என தெரிவித்தனர். தொடர்ந்து ஏர்வாடி கால்நடை மருத்துவர் உடற்கூறு ஆய்வு செய்து இறந்த நிலையில், இருந்த டால்பினை கடற்கரையோரம் குழி தோண்டி புதைத்தனர்.

You may also like

Leave a Comment

13 + six =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi