கிரானைட் கற்கள் கடத்திய லாரி பறிமுதல்

தேன்கனிக்கோட்டை, ஆக.24: கிருஷ்ணகிரி கனிமவள பிரிவு அதிகாரிகள், தேன்கனிக்கோட்டை-அஞ்செட்டி சாலை லக்கசந்திரம் பகுதியில் வாகன சோதனையில் ஈடுபட்டனர். அப்போது, அந்த பகுதியில் நின்ற லாரியை சோதனை செய்த போது, அதில் ₹50 ஆயிரம் மதிப்புள்ள கிரானைட் கல் அனுமதியின்றி எடுத்து வந்தது தெரிய வந்தது. இது குறித்து கனிமவள அதிகாரி சரவணன் கொடுத்த புகாரின் பேரில், தேன்கனிக்கோட்டை போலீசார் வழக்குப்பதிவு செய்து லாரியை பறிமுதல் செய்து விசாரணை நடத்தி வருகின்றனர்.