Wednesday, June 19, 2024
Home » அண்ணாமலையார் கோயிலுக்கு சொந்தமான இடத்தில் ஆக்கிரமிப்பு அகற்றம் அதிகாரிகள் நடவடிக்கை திருவண்ணாமலை கிரிவலப்பாதையில்

அண்ணாமலையார் கோயிலுக்கு சொந்தமான இடத்தில் ஆக்கிரமிப்பு அகற்றம் அதிகாரிகள் நடவடிக்கை திருவண்ணாமலை கிரிவலப்பாதையில்

by Karthik Yash

திருவண்ணாமலை, மே 22: திருவண்ணாமலை கிரிவலப்பாதையில் அண்ணாமலையார் கோயிலுக்கு சொந்தமான இடத்தில் இருந்த ஆக்கிரமிப்பை அதிகாரிகள் நேற்று அகற்றினர். திருவண்ணாமலை கிரிவலப்பாதையில் உள்ள ஆணாய்பிறந்தான் கிராமத்திற்கு உட்பட்ட நந்தி மண்டபம் குளம் அருகே அண்ணாமலையார் கோயிலுக்கு சொந்தமான இடம் உள்ளது. இந்த இடத்தை ஆக்கிரமித்து கட்டிடம் கட்டும் பணி தொடங்கப்பட்டுள்ளதாக வந்த புகாரின் பேரில் அண்ணாமலையார் கோயில் இணை ஆணையர் ஜோதி தலைமையிலான அதிகாரிகள் மற்றும் போலீசார் நேற்று நேரில் பார்வையிட்டு ஆய்வு செய்தனர். அப்போது, 1,218 சதுர அடி இடத்தை ஆக்கிரமித்து கட்டிடம் கட்டுவதற்கான பணிகள் தொடங்கியுள்ளது தெரியவந்தது. இதனை உடனடியாக தடுத்து நிறுத்திய அதிகாரிகள், ₹85 லட்சம் மதிப்பிலான அந்த இடத்தில் அண்ணாமலையார் கோயில் சொந்தமான இடம் என அறிவிப்பு பலகை வைத்து, கம்பி முள்வேலி அமைத்து நடவடிக்கை எடுத்தனர்.

You may also like

Leave a Comment

16 − five =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi