திருமலை:  திருப்பதி தேவஸ்தானத்தின் பெரிய ஜீயர் கடந்த சில நாட்களாக உடல் நலம் பாதிக்கப்பட்டு இருந்தார். அவர் கடந்த 4 நாட்களுக்கு முன் திருப்பதி சின்ஸ் மருத்துவமனையில் அனுமதிக்கப்பட்டிருந்தார். நேற்று காலை அவர் காலமானார். அவருக்கு வயது 90.

அவருடைய உடல் திருப்பதியில் உள்ள பெரிய ஜீயர் மடத்துக்கு எடுத்து வரப்பட்டது. 

தேவஸ்தான அறங்காவலர் குழு தலைவர் ஆதிகேசவலு நாயுடு, தேவஸ்தான செயல் அதிகாரி கிருஷ்ணாராவ், இணை அதிகாரி தர்மாரெட்டி உட்பட தேவஸ்தான அதிகாரிகள் அஞ்சலி செலுத்தினர். 

பிற்பகல் 3.30க்கு தேவஸ்தான தலைமை அலுவலகத்துக்கு அருகே உள்ள பிருந்தாவனத்தில் நல்லடக்கம் செய்யப்பட்டது. 

பெரிய ஜீயர் முதலில் திருப்பதி தேவஸ்தானத்தில் சின்ன ஜீயராக பொறுப்பு வகித்தார். அப்போது அவர் தேவஸ்தானத்துக்கு நல்ல வழிகாட்டியாக இருந்து பல்வேறு சேவைகளை செய்தார். இதையடுத்து  திருமலை தேவஸ்தானம் அவருக்கு பெரிய ஜீயர் பட்டத்தை வழங்கியது.