SUN குழுமத்திலிருந்து வெளிவரும் காலை நாளிதழ்

பதக்கமும் பணி நியமனமும்

2017-10-10@ 15:20:10

நன்றி குங்குமம் தோழி

தேசத்திற்கும் மாநிலத்திற்கும் பெருமை தேடித் தந்த பி.வி.சிந்துவை ஆந்திர மாநில அரசு உதவி ஆட்சியர் பணிக்கு நியமித்து உத்தரவிட்டிருக்கிறது. கடந்த ஆண்டு நடைபெற்ற ரியோ ஒலிம்பிக் போட்டியில் வெள்ளிப் பதக்கம் வென்ற பேட்மின்டன் வீராங்கனை பி.வி.சிந்துவுக்கு, பணி நியமன ஆணையை நேரில் வழங்கி ஆந்திர முதல்வர் சந்திரபாபு நாயுடு கெளரவித்துள்ளார். ரியோ ஒலிம்பிக் போட்டியில் பெண்களுக்கான பேட்மின்டனில் வெள்ளிப் பதக்கம் வென்ற பி.வி. சிந்துவுக்கு சில மாதங்களுக்கு முன்பு சந்திரபாபு நாயுடு, அவரை கௌரவிக்கும் விதமாக பாராட்டு விழா ஒன்றை நடத்தினார். அவ்விழாவின் போது பி.வி.சிந்துவுக்கு ரூ.3 கோடி பரிசுத் தொகை மற்றும் அமராவதியில் வீட்டு மனைப்பட்டா ஆகியவற்றை வழங்கி பாராட்டு தெரிவித்தார். மேலும், பி.வி.சிந்து விரும்பினால் ஆந்திராவில் உதவி ஆட்சியராக பணியாற்ற வாய்ப்பு வழங்கப்படும் என்றும் அந்த விழாவில் சந்திரபாபு நாயுடு அறிவிப்பு வெளியிட்டிருந்தார்.

இந்த அறிவிப்பு அம்மாநில விளையாட்டு வீரர்களுக்கு உத்வேகத்தை அளித்திருக்கிறது. விளையாட்டு வீராங்கனை பி.வி.சிந்து இந்த அறிவிப்பை ஏற்றுக்கொண்டதை தொடர்ந்து, ஆந்திர மாநில தலைமை செயலகத்தில் பி.வி. சிந்துவுக்கு பணி நியமன உத்தரவை சந்திரபாபு நாயுடு நேரில் வழங்கினார். இது குறித்து வீராங்கனை பி.வி.சிந்து, கூறுகையில்...  “பணி நியமன உத்தரவை பெற்றுக்கொண்டது மிகவும் மகிழ்ச்சியாக உள்ளது. இது போன்ற அரசு அறிவிப்புகள் விளையாட்டு வீராங்கனைகளை மிகவும் ஊக்கப்படுத்துகிறது. இதன் மூலம் பலரும் விளையாட்டுத் துறையில் சாதிக்க முன் வருகின்றனர். எனக்கு கிடைத்த இந்த அரிய வாய்ப்பை மக்களின் நலனுக்காக பயன்படுத்துவேன். விளையாட்டுத் துறையில் மேலும் சாதிக்க வேண்டும் என்பதே என் வாழ்நாள் இலக்கு” என்றார் பி.வி.சிந்து. பிற மாநிலங்களும் இதைப் பின்பற்றலாமே?

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 15-08-2018

    15-08-2018 இன்றைய சிறப்பு படங்கள்

  • chinaearthquake

    சீனாவின் யுன்னான் மாகாணத்தில் நிலநடுக்கம்: 18 பேர் காயம்

  • meteorshower

    ஆண்டுக்கு ஒருமுறை நடைபெறும் விண்கல் மழை: வானில் நிகழ்ந்த அதிசயம்

  • indonesiaafterquake

    இந்தோனேஷியாவில் ஏற்பட்ட நிலநடுக்கத்தின் பாதிப்பு: மக்களின் வாழ்வாதாரம் முடக்கம்

  • sijaapanda

    சீனாவில் சிஜ்ஜா பாண்டா கரடியின் 12-வது பிறந்தநாள் கொண்டாட்டம்

படங்கள் வீடியோ கல்வி சினிமா ஜோ‌திட‌ம்