SUN குழுமத்திலிருந்து வெளிவரும் காலை நாளிதழ்

அச்சம் தவிர் பெண்ணே!

2017-05-19@ 15:49:53

நன்றி குங்குமம் தோழி

பயந்து வாழ்ந்த காலங்கள் இறந்து விட்டன. யாரையும் எதிர்கொள்வோம் என்று கம்பீரமாக எழுந்து நிற்கிறாள் சிறுமி ஒருத்தி சிலையின் வடிவில். பெண்களுக்கு அச்சம் கிடையாது என்று பொதுவாக இந்த உலகம் நம்புவது இல்லை. பெண்கள் யாருக்கும் சளைத்தவர்கள் இல்லை என்று பெண்களுக்கே உணர்த்துவது போல், அமெரிக்காவின் வால் ஸ்ட்ரீட் பகுதியில் அமைக்கப்பட்டுள்ளது ஒரு வித்தியாசமான வெண்கலச் சிலை.

அமெரிக்காவின் தொழில்நுட்ப நகரமாக கருதப்படும் வால் ஸ்ட்ரீட் பகுதியில், ஒரு சிறுமி காளையை எதிர்த்து நின்று சண்டையிடுவது போல், கிரிஸ்டன் விசபல் எனும் சிற்பக் கலைஞர் ஒரு சிலையை வடிவமைத்துள்ளார். ‘அச்சமற்ற பெண்’ என்று அதற்குப் பெயரிட்டு கொண்டாடி வருகிறார்கள் இளம் பெண்கள் அமைப்பினர். பெண்கள் எந்த துறையிலும் தைரியமாக செயல்படக்கூடியவர்கள், எதையும் எதிர்த்து போராடக்கூடிய குணம் படைத்தவர்கள் என்று பறைசாற்றுகிறது இந்த சிலை.

கம்பீரமாக நின்று காளையை எதிர்கொள்ளும் சிறுமியின் சிலை அனைத்துத் தரப்பு பெண்களின் கவனத்தையும் ஈர்த்துள்ளது. இந்தச் சிலையை ஸ்டேட் ஸ்ட்ரீட் குளோபல் நிர்வாகத்தில் பணிபுரியக்கூடிய இளம் பெண்கள் ‘எங்களுடைய நிர்வாகத்  திறமையை வெளிக்கொண்டுவரவே இந்த சிலை வடிவமைக்கப்பட்டது’ என்றும் ‘இளம் பெண்கள் அமைப்பின் சின்னமாக இந்த சிலை இனி இருக்கும்’ என்றும் தெரிவித்துள்ளனர்.

தற்போது அமெரிக்காவில் நடைபெற்று வருகிற டொனால்டு டிரம்ப் ஆட்சிக்கு எதிராக பல போராட்டங்களையும் பெண்கள் நடத்தி வருகின்ற இந்தச் சூழலில், இந்த சிலை பெரிய தாக்கத்தை ஏற்படுத்தலாம் என்றும் நம்பப்படுகிறது. ‘‘லட்சக்கணக்கான இளம் பெண்களை கவர்ந்த இந்தச் சிலை அமெரிக்காவில் மட்டுமல்லாமல் உலக அளவில் பெரும் வரவேற்பைப் பெற்று வருகிறது. தற்போது சமூக வலைத்தளங்களில் அதிகமாக ஷேர் செய்யப்படும் ஒன்றாக இந்தச் சிலை உருவெடுத்துள்ளது மகிழ்ச்சியாக இருக்கிறது. உலகப் பெண்கள் அனைவரும் அச்சம் இன்றி செயல்படவே இந்த முயற்சி’’ என்று கூறுகிறார்கள் இளம் பெண்கள் அமைப்பினர்.

-ஜெ.சதீஷ்

பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

மேலும் செய்திகள்

Like Us on Facebook Dinkaran Daily News
  • poRURlaketyugbyvfgy

    போரூர் ஏரியில் இருந்து தண்ணீர் எடுக்க ராட்சத மோட்டார்கள் மற்றும் சுத்திகரிப்பு கருவிகள் பொருத்தும் பணி நடந்து வருகிறது

  • 20YEARfraewelllsjhip

    இந்திய கடலோர காவல் படையில் 20 ஆண்டுகளாக பணியில் ஈடுபட்ட ரோந்து கப்பல் ‘கனக்லதா பருவா’ விடைபெறும் நிகழ்ச்சி

  • 24-06-2017

    24-06-2017 இன்றைய சிறப்பு படங்கள்

  • nasaWORldLIGHestSATELL

    நாசாவால் விண்ணில் செலுத்தப்பட்ட ‘கலாம் சாட்’ செயற்கைகோள்... தமிழக மாணவருக்கு குவியும் பாராட்டுகள்!

  • gulfCOASTcindy

    புயல் காரணமாக அமெரிக்காவின் ஜார்ஜியா மாகாணத்தில் பலத்த மழை : இயல்பு வாழ்க்கை பாதிப்பு

படங்கள் வீடியோ கல்வி சினிமா ஜோ‌திட‌ம்