SUN குழுமத்திலிருந்து வெளிவரும் காலை நாளிதழ்

பள்ளி, கல்லூரி கோடை விடுமுறை நிறைவடைவதால் மேட்டூர் அணை பூங்காவில் சுற்றுலா பயணிகள் குவிந்தனர்

2017-06-05@ 12:14:30

மேட்டூர் : பள்ளி, கல்லூரி விடுமுறை நிறைவடைவதால், கடைசி ஞாயிற்றுக்கிழமையான நேற்று மேட்டூர் அணை பூங்காவில் ஆயிரக்கணக்கான சுற்றுலா பயணிகள் குவிந்தனர். சேலம், நாமக்கல், ஈரோடு உள்ளிட்ட தமிழகத்தின் பல்வேறு பகுதிகளிலிருந்தும், கர்நாடக மாநிலம் கொள்ளேகால், மாதேஸ்வரன் மலை உள்ளிட்ட பகுதிகளிலிருந்தும் ஏராளமான சுற்றுலா பயணிகள் வந்தனர்.

வழக்கத்தைவிட நேற்று பள்ளி, கல்லூரி மாணவ, மாணவிகள் மற்றும் பொதுமக்கள் அதிகளவில் வந்திருந்தனர். அணைக்கட்டு முனியப்பன் சாமியை தரிசித்துவிட்டு பூங்கா அருகிலேயே சமைத்தனர். பின்னர் பூங்காக்குள் கொண்டு சென்று குடும்பத்துடன் உணவு உண்டு மகிழ்ந்தனர். கத்திரி வெயில் முடிந்த நிலையில், மேட்டூரில் நேற்று கடுமையான வெப்பம் நிலவியது.

இதனால் அண்ணா பூங்கா மரத்தடியில் உள்ள புல்தரையில் அமர்ந்து சுற்றுலாபயணிகள் பொழுதை கழித்தனர். சிறுவர் பூங்காவில், குழந்தைகளுடன் பெரியவர்களும் ஊஞ்சலாடி மகிழ்ந்தனர். மேலும் மீன்காட்சி சாலைக்கு சென்று பல்வேறு வகையான மீன்களை கண்டுகளித்தனர்.

இதையடுத்து பாம்பு பண்ணை, மான் பூங்கா ஆகியவற்றுக்கு சென்று அரிய வகை பாம்புகளையும், மான்களையும் குழந்தைகளுடன் கண்டு ரசித்தனர். வெயிலின் தாக்கம் நேற்று வழக்கத்தைவிட அதிகளவில் இருந்ததால், சுற்றுலா பயணிகள் மாலை வரை பூங்காவில் அமர்ந்திருந்தனர். இதனால் அணை பூங்கா திருவிழா போல் காட்சியளித்தது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 18-11-2018

    18-11-2018 இன்றைய சிறப்பு படங்கள்

  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

படங்கள் வீடியோ கல்வி சினிமா ஜோ‌திட‌ம்