SUN குழுமத்திலிருந்து வெளிவரும் காலை நாளிதழ்

கும்பக்கரையில் குளிக்க தடை சுற்றுலா பயணிகள் ஏமாற்றம்

2017-05-29@ 15:08:00

பெரியகுளம் : கும்பக்கரை அருவியில் வெள்ளப்பெருக்கு ஏற்பட்டுள்ளதால் சுற்றுலாப்பயணிகள் குளிக்க  வனத்துறையினர் தடை விதித்துள்ளனர். இதனால் சுற்றுலாப்பயணிகள் ஏமாற்றம் அடைந்தனர். பெரியகுளம் அருகே 8 கி.மீ தொலைவில் கும்பக்கரை அருவி அமைந்துள்ளது. மேற்கு தொடர்ச்சி மலைப்பகுதியில் கொடைக்கானல் மலையடிவாரத்தில் இயற்கை சூழலில் அமைந்துள்ள இந்த அருவியில், மேற்கு தொடர்ச்சி மலைவனப்பகுதி மற்றும் கொடைக்கானலில் பெய்யும் கனமழை காரணமாக நீர் வரத்து இருக்கும்.

கும்பக்கரை அருவி ரம்யமான இயற்கை சூழலில்  அமைந்துள்ளதால் தமிழகம் மட்டுமின்றி பிற மாநிலங்களிலிருந்தும் சுற்றுலாப்பயணிகள் வருகை இருக்கும். கடந்த சில மாதங்களாக இப்பகுதியில் மழை பெய்யாத காரணத்தால் அருவி வறண்டு காணப்பட்டது. மேலும், தண்ணீர் தேடி வன விலங்குகள் அருவி பக்கம் வரும் அபாயம் நிலவியது. இதன் காரணமாக கடந்த ஏப்ரல் மாதம் அருவிக்கு சுற்றுலா பயணிகள் செல்ல தடை விதிக்கப்பட்டது.
 
இந்நிலையில் பெரியகுளம் பகுதியில் பெய்த மழை காரணமாக கடந்த 18ம் தேதி நீர்வரத்து ஏற்பட்டது. இதனால் சுற்றுலா பயணிகள் குளிக்க அனுமதி அளிக்கப்பட்டது. கடந்த இரண்டு நாட்களாக  மேற்கு தொடர்ச்சி மலைப்பகுதி மற்றும் கொடைக்கானல் மலையடிவார பகுதியில் பெய்த கனமழை காரணமாக கும்பக்கரை அருவியில் வெள்ளப்பெருக்கு ஏற்பட்டு உள்ளது. எனவே வனத்துறையினர் சுற்றுலாப்பயணிகளுக்கு அனுமதி மறுத்துள்ளனர். இதனால் சுற்றுலாப்பயணிகள் ஏமாற்றத்துடன் திரும்பி செல்கின்றனர்.

மேலும் செய்திகள்

Like Us on Facebook Dinkaran Daily News
  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

  • 03-06-2020

    03-06-2020 இன்றைய சிறப்பு படங்கள்

  • schoolopen3

    சிங்கப்பூரில் 2 மாதங்களுக்கு பிறகு பள்ளிகள் மீண்டும் திறப்பு: மாணவர்கள் முகக்கவசம் அணிந்து வருகை!!!

படங்கள் வீடியோ கல்வி சினிமா ஜோ‌திட‌ம்