SUN குழுமத்திலிருந்து வெளிவரும் காலை நாளிதழ்

கோடை விடுமுறையையொட்டி அணை, அவதானப்பட்டி பூங்காவில் சுற்றுலா பயணிகள் குவிந்தனர் குழந்தைகள் குதூகலம்

2017-05-29@ 14:02:14

கிருஷ்ணகிரி :  கோடை விடுமுறை நிறைவடையும் வேளையில் கிருஷ்ணகிரி அணை மற்றும் அவதானப்பட்டி சிறுவர் பூங்காவில் சுற்றுலா பயணிகள் கூட்டம் அலைமோதியது.  பள்ளிகளுக்கு கடந்த 1ம் தேதி முதல் கோடை விடுமுறை விடப்பட்டது. தொடர்ந்து கடுமையான வெயில் வாட்டி வதைத்து வந்ததால் பகல் நேரத்தில் வெளியே வர முடியாத நிலை இருந்தது. இதனால், விடுமுறை விடப்பட்டும் பள்ளி மாணவ, மாணவிகள் வீடுகளிலேயே முடங்கி கிடந்தனர்.

இந்நிலையில், கடந்த ஒரு வாரமாக தமிழகத்தில் பரவலாக மழை பெய்து வருவதால், பூமி குளிர்ச்சியடைந்துள்ளது. நேற்றுடன் அக்னி நட்சத்திரமும் முடிவுக்கு வந்ததால் வெப்பம் குறைந்து இதமான காற்று வீசியது. கோடை விடுமுறை முடியும் தருவாயில், வார விடுமுறை தினமான நேற்று அந்தந்த பகுதியில் உள்ள சுற்றுலா தலங்களில் மக்கள் குவிந்தனர். கிருஷ்ணகிரி மாவட்ட மக்களின் பொழுது போக்கு அம்சமாக கிருஷ்ணகிரி அணை பூங்கா மற்றும் அவதானப்பட்டி சிறுவர் பூங்கா, படகு இல்லம் மட்டுமே உள்ளது.

கோடை விடுமுறை முடிய இன்னும் ஒரு வாரம் மட்டுமே உள்ள நிலையில் பள்ளி மாணவ, மாணவிகள் தங்கள் பெற்றோர்களுடன் நேற்று கிருஷ்ணகிரி அணை பூங்கா, அவதானப்பட்டி சிறுவர் பூங்கா, படகு இல்லங்களில் குவிந்தனர். மேலும் பூங்காவில் உள்ள ஊஞ்சல், சறுக்கு பலகைகளில் விளையாடியும், படகுகளில் சவாரி செய்தும் குழந்தைகள் குதூகலித்தனர். அணை பகுதியில் மீன் விற்பனையும் அமோகமாக நடந்தது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • germanybuilding

    ஜெர்மனியில் 1970ம் ஆண்டு கட்டப்பட்ட பழைய கட்டிடம் வெடி வைத்து தகர்ப்பு: புகைப்படங்கள்!

  • siriyaa

    ஐ.எஸ் பயங்கரவாதிகள் பிடியில் இருந்த கடைசி எல்லைப்பகுதியை கைப்பற்றியது சிரியா

  • londonprotest

    பிரிட்டன் பிரதமருக்கு எதிராக மீண்டும் தலைதூக்கும் போராட்டம்: பிரெக்ஸிட் ஒப்பந்தத்தை எதிர்த்து மக்கள் பேரணி!

  • 25-03-2019

    25-03-2019 இன்றைய சிறப்பு படங்கள்

  • 24-03-2019

    24-03-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்