SUN குழுமத்திலிருந்து வெளிவரும் காலை நாளிதழ்

கோடை விடுமுறையையொட்டி ஆழியாரில் குவிந்த சுற்றுலா பயணிகள் குரங்கு அருவிக்கு வந்தவர்கள் ஏமாற்றம்

2017-05-15@ 14:31:06

பொள்ளாச்சி : கோவை மாவட்டம், பொள்ளாச்சியை அடுத்த சுற்றுலா இடமான ஆழியாருக்கு உள்ளூர் சுற்றுவட்டார பகுதியிலிருந்தும் திருப்பூர், ஈரோடு, திண்டுக்கல், பழனி, கேரளா உள்பட வெளியூர்களில் இருந்தும் அதிகளவில் சுற்றுலா பயணிகள் வந்து செல்கின்றனர். இதில் விடுமுறை நாட்களில் வழக்கத்தை விட சுற்றுலா பயணிகள் வருகை அதிகளவில் இருக்கும்.
 
ஆழியாருக்கு வரும் பயணிகள் அணையின் நீர்தேக்க பகுதியை பார்வையிட்டு பின், பூங்காவிற்கு சென்று குடும்பத்துடன் பொழுதை கழிக்கின்றனர். மேலும் சிறுவர் முதல் பெரியவர்கள் வரை படகு சவாரி செய்து மகிழ்கின்றனர். இதில், கடந்த சில மாதங்களாக வெயிலின் தாக்கம் அதிகமாக இருந்ததால் அந்நேரத்தில் ஆழியார் அணைக்கு வரும் சுற்றுலா பயணிகள் எண்ணிக்கை மிகவும் குறைவாக காணப்பட்டது.
  
இந்நிலையில் கடந்த சில வாரமாக ஆழியாருக்கு வரும் சுற்றுலா பயணிகளின் எண்ணிக்கை அதிகமாக இருந்தது. நேற்று ஞாயிற்றுக்கிழமை என்பதால் ஆழியார் அணையில் சுற்றுலா பயணிகள் கூட்டம் வழக்கத்தைவிட அதிகளவில் இருந்தது. இங்கு வந்த சுற்றுலா பயணிகள், பல மணிநேரம் பூங்காவில் பொழுதை கழித்தனர். நேற்று மதியம் முதல் பலத்த காற்று வீசியதால் அணையில் படகு சவாரி திடீரென ரத்து செய்யப்பட்டது.

சுற்றுலா பயணிகள் வந்த வாகனங்கள் பூங்கா அருகே உள்ள ரோட்டோரத்தில் வரிசை கட்டி நிறுத்தப்பட்டிருந்தன. சுற்றுலா பயணிகள் கூட்டம் அதிகளவில் இருந்ததையடுத்து, ஆங்காங்கே போலீசார் தீவிர கண்காணிப்பில் ஈடுபட்டிருந்தனர். கடந்த ஒரு வாரத்திற்கு முன்பு மேற்கு தொடர்ச்சி மலைப்பகுதியில் பொழிந்த கனமழையால் குரங்கு அருவிக்கு தண்ணீர் வரும் என்று சுற்றுலா பயணிகள் வர துவங்கினர். ஆனால் குரங்கு அருவியில் தண்ணீர் வரத்து எதிர்பார்த்த அளவில் இல்லாமல் குறைந்தளவே காணப்பட்டது.

ஒருபகுதியில், நூல்போன்று தண்ணீர் கொட்டி பெரும்பகுதி வெறும் பாறையாக உள்ளது. இதன் காரணமாக ஆழியாருக்கு வரும் சுற்றுலா பயணிகள் குரங்கு அருவியில் தண்ணீர் இல்லாததை கண்டு ஏமாற்றமடைகின்றனர். நேற்று விடுமுறை நாள் என்பதால் உள்ளூர் மற்றும் கேரளா பகுதியிலிருந்து சுற்றுலா பயணிகள் வருகை அதிகளவில் காணப்பட்டனர். இருப்பினும் குரங்கு அருவியில் தண்ணீர் வரத்து ஒரு பகுதியில் மட்டும் லேசாக வருவதையறிந்து, அவர்கள் ஏமாற்றத்துடன் திரும்பி சென்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • commissioner_chni_open

    சென்னையில் காவலர்களுக்கான பல்பொருள் அங்காடி: கமிஷனர் ஏ.கே.விஸ்வநாதன் திறந்து வைத்தார்

  • vina_prasanna_1

    சன்டிவி, தினகரன் வழங்கும் விநாயகர் பரிசுத் திருவிழா : வெற்றி பெற்றவர்களுக்கு நடிகர் கருணாஸ், பிரசன்னா பரிசுகள் வழங்கினர்

  • KanthaShashtifestival

    திருச்செந்தூர் சுப்பிரமணியசுவாமி கோயிலில் கந்த சஷ்டி திருவிழா துவங்கியது

  • naagai_depott

    பொறையாரில் போக்குவரத்து ஊழியர் ஓய்வு அறை இடிந்து 8 பேர் பலி

  • 20-10-2017

    20-10-2017 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்