கொடைக்கானல் : கொடைக்கானல் பிரையண்ட் பூங்காவில் பூத்துக் குலுங்கும் பல வண்ணப்பூக்கள் சுற்றுலாப் பயணிகளை கவர்ந்துள்ளது.
மலைகளின் இளவரசி என அழைக்கப்படும் கொடைக்கானலில் மே மாதம் மூன்றாவது வாரம் கோடை விழா தொடங்கும். இதில் முக்கிய அம்சமாக, பிரையண்ட் பூங்காவில் மலர் கண்காட்சி நடக்கும்.  இந்த கண்காட்சியில் ஒன்றரை கோடிக்கும் மேலான பூக்கள் இடம்பெறும். இதற்காக நடவு செய்யப்படும் பூக்கள் வழக்கமாக ஏப்ரல் முதல் தேதிகளில் பூத்துக் குலுங்கும். இந்தாண்டு ஏற்பட்ட வறட்சியால், ஏப். 15ம் தேதிக்கு மேல் பூக்க ஆரம்பித்துள்ளது. பிரையண்ட் பூங்காவில் பூத்துக் குலுங்கும் வண்ண, வண்ணப் பூக்கள் சுற்றுலாப் பயணிகளை கவர்ந்துள்ளது.