SUN குழுமத்திலிருந்து வெளிவரும் காலை நாளிதழ்

தொடர் விடுமுறையையொட்டி ஏற்காட்டில் சுற்றுலா பயணிகள் குவிந்தனர் : சாரல் மழையால் குதூகலம்

2019-10-09@ 12:45:54

சேலம்:  தொடர் விடுமுறையையொட்டி, சேலம் மாவட்டம் ஏற்காடு சுற்றுலா தலத்தில் பயணிகளின் எண்ணிக்கை அதிகரித்து காணப்பட்டது.
ஆயூத பூஜை மற்றும் விஜயதசமியை முன்னிட்டு சனி, ஞாயிறு, திங்கள் மற்றும் செவ்வாய் என 4 நாட்களுக்கு பள்ளி, கல்லூரிகளுக்கு தொடர்ந்து விடுமுறை விடப்பட்டது. கடந்த சில நாட்களாக  பகல் நேரத்தில் வெயிலின் தாக்கம் அதிகமாக இருந்தது. இதனால் தொடர் விடுமுறையொட்டி ஏற்காட்டிற்கு சுற்றுலா பயணிகள் வருகை அதிகரித்து இருந்தது.

ஏழைகளின் ஊட்டி என்றழைக்கப்படும் ஏற்காடு, தமிழகத்தின் முக்கியமான சுற்றுலா தலங்களில் ஒன்றாக திகழ்கிறது. ஏற்காட்டிற்கு தமிழகம் மட்டுமின்றி பக்கத்து மாநிலங்களில் இருந்தும் அதிகளவில் சுற்றுலா பயணிகள் வருவது வழக்கம். இதனையடுத்து, 4 நாட்கள் தொடர் விடுமுறையையொட்டி ஏற்காட்டிற்கு சுற்றுலா பயணிகள் வருகை அதிகரித்து இருந்தது. இதனை தொடர்ந்து கடைசி நாளான நேற்று சுற்றுலா பயணிகள் எண்ணிக்கை அதிகளவில் இருந்தது.

குடும்பத்தினருடன் வந்த சுற்றுலா பயணிகள் ஏரியில் படகு சாவரி செய்தனர். மேலும், அண்ணா பூங்கா, படகு சவாரி, ரோஜா தோட்டம், பக்டோ பாயிண்ட், மான் பூங்கா, லேடீஸ் சீட் போன்ற இடங்களில் குடும்பத்தினருடன் சென்று அலங்கார மலர்களை கண்டு ரசித்தும், போட்டோ எடுத்தும் மகிழ்ந்தனர். மேலும், ஏற்காட்டு மலையின் உயரமான பகுதியில் சென்று இயற்கை அழகை கண்டு ரசித்தும், சேலம் நகரத்தின் அழகையும் கண்டும் மகிழ்ந்தனர். மாலையில் தீடிரென சாரல் மழை பெய்ததால் குளிர்ந்த காற்று வீசியது. இதனால், சுற்றுலா பயணிகள் மிகுந்த மகிழச்சியடைந்தனர்.


மேலும் செய்திகள்

Like Us on Facebook Dinkaran Daily News
  • nisarkaa4

    மகாராஷ்டிராவை நிலைகுலைய வைத்த நிசர்கா புயல்: ஆட்டம் கண்ட கப்பல்கள்; மின்னல் தாக்கி பற்றி எரிந்த மரம்!

  • gujarat4

    குஜராத் மாநிலத்தில் வேதிப்பொருள் ஆலையில் கொதிகலன் வெடித்து விபத்து: 8 பேர் பரிதாப பலி..30க்கும் மேற்பட்டோர் படுகாயம்!!!

  • ballon3

    பிரேசில் நாட்டில் கொரோனாவால் உயிரிழந்தவர்களுக்கு மரியாதை செலுத்தும் வகையில் வானில் பறக்கவிடப்பட்ட பலூன்கள்: புகைப்படங்கள்

  • police3

    அமெரிக்காவில் 8-வது நாளாக தணியாத போராட்டம்: அமைதி போராட்டத்தில் மண்டியிட்டு ஆதரவு அளித்த போலீசார்!!!

  • mkstalin3

    மறைந்த முன்னாள் முதல்வர் கருணாநிதியின் 97வது பிறந்தநாளையொட்டி மெரினா கடற்கரையில் உள்ள அவரது நினைவிடத்தில் மு.க.ஸ்டாலின் மரியாதை!!!

படங்கள் வீடியோ கல்வி சினிமா ஜோ‌திட‌ம்