SUN குழுமத்திலிருந்து வெளிவரும் காலை நாளிதழ்

தாவரவியல் பூங்காவில் பூத்து குலுங்கும் சால்வியா மலர்கள் : சுற்றுலா பயணிகள் கண்டு ரசிப்பு

2019-08-28@ 15:05:11

ஊட்டி: இண்டாம் சீசன் துவங்க நான்கு நாட்களே உள்ள நிலையில், ெதாட்டிகளில்  வைக்கப்பட்டுள்ள சால்வியா மலர்களை சுற்றுலா பயணிகள் கண்டு ரசித்து  செல்கின்றனர்.நீலகிரி மாவட்டத்தில் இரண்டாம் சீசனின் போது மலர்  கண்காட்சி நடத்தவில்லை என்றாலும், அதற்கு இணையாக மலர் அலங்காரங்கள்  மேற்கொள்ளப்படுகிறது. அதுமட்டுமின்றி பூங்கா முழுவதிலும் புதிய மலர்  செடிகள் நடவு செய்யப்பட்டு அதில், பூக்கள் பூத்து குலுங்கும். இரண்டாம்  சீசன் செப்டம்பர் மாதம் துவங்கி இரு மாதங்கள் அனுசரிக்கப்படுகிறது. இதற்காக  பூங்காவில் மலர் செடிகள் நடவு பணிகள் கடந்த ஒரு மாத்திற்கு முன்  துவங்கியது. அதே போல் 10 ஆயிரம் தொட்டிகளிலும் பல்வேறு செடிகள் நடவு  செய்யப்பட்டுள்ளது. பொதுவாக செப்டம்பர் மாதம் துவக்கத்தில் பூங்காவில் உள்ள  அனைத்து செடிகளிலும் மலர்கள் பூத்துக் குலுங்கும்.

ஆனால், இம்முறை  பெரும்பாலான செடிகளில் மொட்டுக்கள் மட்டுமே காணப்படுகிறது. கடந்த சில  நாட்களாக மழை பெய்த நிலையில், பூங்காவில் உள்ள பாத்திகள் மற்றும்  தொட்டிகளில் உள்ள சால்வியா செடிகளில் மலர்கள் பூத்துள்ளன. ஓரிரு நாட்களில்  பெரும்பாலான செடிகளில் மலர்கள் பூக்கும் என எதிர்பார்க்கப்படுகிறது. ஆயுத  பூஜை விடுமுறையின் போது ஊட்டி வரும் சுற்றுலா பயணிகள் அனைத்து செடிகளிலும்  மலர்களை காண வாய்ப்புள்ளது. விநாயகர் சதுர்த்தி மற்றும் வார விடுமுறை என  மூன்று நாட்கள் விடுமுறையை கொண்டாட வந்துள்ள சுற்றுலா பயணிகள் சால்வியா,  பெகுனியா போன்ற மலர்களை மட்டுமே கண்டு ரசித்து செல்ல முடியும்.

மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்