SUN குழுமத்திலிருந்து வெளிவரும் காலை நாளிதழ்

மலைப்பகுதியில் தொடர் சாரல் குற்றால அருவிகளில் கொட்டுகிறது:சுற்றுலா பயணிகள் குஷி

2019-08-08@ 16:42:04

குற்றால அருவிகளில் தண்ணீர் கொட்டுவதால் சுற்றுலா பயணிகள் மிகுந்த மகிழ்ச்சி அடைந்துள்ளனர். வங்கக் கடலில் உருவாகியுள்ள குறைந்த காற்றழுத்த தாழ்வுநிலை காரணமாக குற்றாலத்தில் 2 நாட்களாக சாரல் பெய்து வருகிறது. இதன் காரணமாக இன்று காலை அருவிகளில் தண்ணீர் வரத்து சற்று அதிகரித்துள்ளது. தென்காசி, குற்றாலம் பகுதிகளில் கடந்த ஐந்து தினங்களாக இதமான சூழலுடன் பகல் மற்றும் இரவு வேளைகளில் சாரல் நன்றாக பெய்து வந்த போதும் மலையின் நீர்ப்பிடிப்பு பகுதிகளில் போதுமான மழை இல்லாத காரணத்தால் அருவிகளில் தண்ணீர் வரத்து குறைவாகவே இருந்தது. இந்நிலையில் வங்கக்கடலில் உருவாகியுள்ள குறைந்த காற்றழுத்த தாழ்வு நிலை காரணமாக நேற்று இரவு மற்றும் இன்று அதிகாலையில் குற்றாலம் மற்றும் தென்காசி பகுதிகளில் தொடர்ந்து மழை பெய்து கொண்டே இருந்தது. இதன் காரணமாக அருவிகளில் தண்ணீர் வரத்து சற்று அதிகரித்துள்ளது.

மெயினருவியில் ஆண்கள் பகுதியில் ஓரளவு நன்றாகவும் பெண்கள் பகுதியில் சுமாராகவும் தண்ணீர் விழுகிறது. ஐந்தருவியில் தண்ணீர் நன்றாக விழுகிறது. பழைய குற்றால அருவி, புலியருவி ஆகியவற்றில் குறைவாக தண்ணீர் விழுகிறது. கடந்த சில தினங்களாக அருவிகளில் தண்ணீர் சரிவர இல்லாத காரணத்தால் தற்போது சுற்றுலா பயணிகள் கூட்டம் சுமாராகவே உள்ளது. இதனால் அனைத்து அருவிகளிலும் இன்று காலை வரிசையின்றி குளித்தனர். மீண்டும் சிறிய இடைவெளிக்குப் பிறகு சாரல் பெய்ததாலும் அருவிகளில் தண்ணீர் விழுவதாலும் சுற்றுலா பயணிகள் மகிழ்ச்சி அடைந்துள்ளனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்