SUN குழுமத்திலிருந்து வெளிவரும் காலை நாளிதழ்

குற்றாலத்தில் அனைத்து அருவிகளிலும் கொட்டும் தண்ணீர்!

2018-11-26@ 15:05:33

குற்றாலத்தில் அனைத்து அருவிகளிலும் தண்ணீர் நன்றாக கொட்டுகிறது. ஐயப்ப பக்தர்கள் மற்றும் சுற்றுலா பயணிகள் உற்சாகமாக குளித்தனர். மேற்கு தொடர்ச்சி மலைப்பகுதியில் பெய்த மழையால் குற்றால அருவிகளில் கடந்த 10  நாட்களாக தண்ணீர் நன்றாக விழுந்தது. இரண்டு முறை மெயினருவியில் குளிக்க தடை விதிக்கும் அளவிற்கு கொட்டியது. அவ்வப்போது தொடர்ந்து மாலை வேளைகளில் பெய்து வரும் மழையின் காரணமாக தண்ணீர் நன்றாக விழுகிறது. நேற்று முன்தினம் மாலையில் நல்ல மழை பெய்த நிலையில் நேற்று மாலை வரை மழை இல்லை. பகலில் வெயில் காணப்பட்டது. ஆனாலும் அருவிகளில் தண்ணீர் நன்றாக விழுந்தது.

மெயினருவியில் ஆண்கள் மற்றும் பெண்கள் பகுதியில் தண்ணீர் பரந்து கொட்டியது. ஐந்தருவியில் ஐந்து பிரிவுகளிலும் தண்ணீர் ஆர்ப்பரித்து விழுந்தது.
பழையகுற்றாலம், புலியருவியிலும் தண்ணீர் நன்றாக கொட்டியது. நேற்று விடுமுறை தினமாக இருந்த போதிலும் பல மாவட்டங்களில் மழை பெய்ததாலும் புயல் பாதிப்பு காரணமாகவும் சுற்றுலா பயணிகளின் வருகை குறைவாக இருந்தது. ஐயப்ப பக்தர்களும் மாலை மற்றும் இரவு வேளைகளில் தான் ஓரளவு வருகை தருகின்றனர். பகலில் ஐயப்ப பக்தர்களின் கூட்டம் குறைவாகவே இருந்தது. நேற்று அருவிகளில் ஆர்ப்பரித்து தண்ணீர் விழுந்ததால் குறைவாக வந்த சுற்றுலா பயணிகள் நீண்ட நேரம் குளித்து மகிழ்ந்தனர்.

மேலும் செய்திகள்

Like Us on Facebook Dinkaran Daily News
  • beijingroboshow

    பெய்ஜிங்கில் நடைபெற்ற உலக ரோபோ மாநாடு: மருத்துவத்துறை, தீயணைப்பு துறைக்கான புதிய ரோபோக்கள் அறிமுகம்

  • syriaairstrike

    சிரிய எல்லையில் அந்நாட்டு ராணுவம் நடத்தி வரும் வான்வழி தாக்குதல்...மூவர் பலி;அச்சத்தில் மக்கள்: காட்சித்தொகுப்பு!

  • boliviafire

    பொலிவியாவில் பரவிய காட்டுத்தீ: 4 லட்சம் ஹெக்டர் பரப்பளவு தீயில் கருகி நாசம்!

  • russiatomatofight

    ரஷ்யாவில் நடைபெற்ற தக்காளி சண்டை நிகழ்ச்சி: பலர் ஆர்வத்துடன் பங்கேற்பு

  • yamunariver20

    கரைபுரண்டோடும் வெள்ளத்தால் அபாய நிலையை எட்டியது யமுனா நதி: கரையோர மக்கள் பாதுகாப்பாக வெளியேற்றம்

படங்கள் வீடியோ கல்வி சினிமா ஜோ‌திட‌ம்