SUN குழுமத்திலிருந்து வெளிவரும் காலை நாளிதழ்

பிச்சாவரத்தில் குவிந்த சுற்றுலா பயணிகள் படகில் சவாரி செய்து சுரபுன்னை காடுகளை ரசித்தனர்

2018-01-17@ 12:25:16

புவனகிரி:  தமிழகத்தில் சுற்றுலா மையங்களில் புகழ்பெற்ற தலமாக சிதம்பரம் அருகே உள்ள பிச்சாவரம் சுற்றுலா மையம் அமைந்துள்ளது. கிள்ளை பேரூராட்சிக்கு உட்பட்ட இந்த பகுதியில் சுரபுன்னை காடுகள் இந்தியாவிலேயே இரண்டு இடங்களில் மட்டுமே உள்ளது. இவ்வகை சுரபுன்னை காடுகளை படகில் சென்று சவாரி செய்து பார்ப்பது ஆனந்தமாக இருக்கும். கடற்கரையை ஒட்டிய பகுதியில் சுமார் 4 ஆயிரம் ஏக்கர் பரப்பளவில் பரந்து விரிந்து பசுமையாக காணப்படும் இந்த காடுகள் கண்கொள்ளா காட்சியாகும்.

காணும் பொங்கலையொட்டி நேற்று களை கட்டியது. தமிழகம் முழுவதிலும் உள்ள பல்வேறு மாவட்டங்களில் இருந்தும், இந்தியாவின் பல்வேறு மாநிலங்களில் இருந்தும் வந்திருந்த சுற்றுலா பயணிகள் காட்டுப் பகுதிக்கு தங்களது குடும்பத்தினருடன் படகுகளில் சவாரி சென்று மகிழ்ந்தனர். கூட்டம் அதிகமாக இருந்ததால் படகு சவாரி செய்யும் நேரம் குறைக்கப்பட்டது. வழக்கமான நாட்களில் 4 மணி நேரம் வரை அனுமதிக்கப்படும் படகு சவாரி நேற்று 40 நிமிடமாக குறைக்கப்பட்டது. மோட்டார் படகுக்கு 40 நிமிடமும், துடுப்பு படகுக்கு 30 நிமிடமாக நேரம் குறைக்கப்பட்டது.

காடுகளில் படகு சவாரி செய்த சுற்றுலா பயணிகள், இதுபோன்ற ஒரு இடத்தை தங்களது வாழ்நாளில் பார்த்தது இல்லை எனவும், காடுகளுக்குள் படகு சவாரி செய்தது புதிய அனுபவமாகவும், மகிழ்ச்சியாக இருந்ததாகவும் கூறினர். மேலும் பல்வேறு ஊர்களில் இருந்து பல மணி நேரம் பயணம் செய்து வந்திருந்ததாகவும், ஆனால் அதற்கேற்றாற்போல் இந்த இடத்தை அனுபவித்து ரசித்ததாகவும் கூறினர்.

படகு போட்டிகள்
பிச்சாவரத்தில் சுற்றுலா பயணிகள் படகு சவாரி செய்து கொண்டிருந்தபோது அப்பகுதி மீனவர்கள் சார்பில் படகு போட்டிகள் நடத்தப்பட்டது. துடுப்பு படகில் சுமார் 100 மீட்டர் தூரம் வரை நடத்தப்பட்ட இந்த போட்டிகளில் வெற்றி பெற்றவர்களுக்கு பரிசுகளும் வழங்கப்பட்டது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 25-02-2018

    25-02-2018 இன்றைய சிறப்பு படங்கள்

  • jeyalalithabdystatue

    ஜெயலலிதாவின் 70வது பிறந்தநாளையொட்டி அதிமுக தலைமை அலுவலகத்தில் முழுஉருவ வெண்கல சிலை திறப்பு

  • SouthAfricaCapitalWater

    உச்சக்கட்ட வறட்சியை தொட்ட கேப் டவுன் நகரம்: தண்ணிரின்றி வறண்டு கிடக்கும் நிலங்கள்

  • somalia_bomb_blast

    சோமாலியாவில் இரட்டைக் கார் குண்டு தாக்குதல்: 18 பேர் உயிரிழப்பு

  • sirya_dead123

    சிரியாவில் கிளர்ச்சியாளர்களை குறிவைத்து அரசுப் படையினர் தொடர் தாக்குதல் : 5 நாளில் 400 பேர் பலி

படங்கள் வீடியோ கல்வி சினிமா ஜோ‌திட‌ம்
X