SUN குழுமத்திலிருந்து வெளிவரும் காலை நாளிதழ்

கிறிஸ்துமஸ் விடுமுறையையொட்டி ஆழியாரில் குவிந்த சுற்றுலா பயணிகள்

2017-12-26@ 13:52:50

பொள்ளாச்சி: கிறிஸ்துமஸ் மற்றும் தொடர் விடுமுறையை முன்னிட்டு ஆழியாரில் சுற்றுலா பயணிகள் வருகை நேற்று அதிகமாக இருந்தது. ஆழியாருக்கு வெளியூர்களில் இருந்தும் அதிகளவில் சுற்றுலா பயணிகள் வருவது வழக்கம். குறிப்பாக விடுமுறை நாட்களில் வழக்கத்தை விட சுற்றுலா பயணிகள் வருகை அதிகமாக இருக்கும். ஆழியாருக்கு வரும் பயணிகள், அணையின் நீர்தேக்க பகுதியை பார்வையிட்டு, பின் பூங்காவில் சென்று குடும்பத்துடன் பொழுதை கழிப்பர். மேலும் சிறுவர் முதல் பெரியவர்கள் வரை அனைத்து வயதினரும் படகு சவாரி செய்து மகிழ்வர்.

இந்நிலையில், நேற்று கிறிஸ்துமஸ் பண்டிகை விடுமுறை என்பதால் ஆழியாரில் சுற்றுலா பயணிகள் கூட்டம் வழக்கத்தைவிட அதிகமாக இருந்தது. சுற்றுலா பயணிகள் பலர் வெகுநேரம் காத்திருந்து படகு சவாரி செய்து மகிழ்ந்தனர். ஆழியாரில் நேற்று ஒரே நாளில் 3000க்கும் மேற்பட்ட பயணிகள் குவிந்தனர். பள்ளிகளுக்கும் அரையாண்டு விடுமுறை விடப்பட்டுள்ளதால் தொடர்ந்து இந்த மாதம் இறுதி வரையில் சுற்றுலா பயணிகள் கூட்டம் அதிகமாக இருக்க வாய்ப்புள்ளதால் ஆங்காங்கே போலீசார் தீவிர கண்காணிப்பில் ஈடுபடுத்தப்பட்டுள்ளனர்.

இதே போல் குரங்கு அருவியிலும் சுற்றுலா பயணிகளின் வருகை அதிகமாக காணப்பட்டது. குரங்கு அருவி அருகே வனத்துறை சார்பில் புதிதாக தொடங்கப்பட்டுள்ள யானை சவாரி செல்வதற்கு ஏராளமான சுற்றுலா பயணிகள் ஆர்வம் காட்டினர். தற்போது யானை சவாரிக்கு வனப்பகுதி வழியாக பாதைகள் அமைக்கப்பட்டுள்ளது. வழியில் பறவைகள், லங்கூர் குரங்குகள் போன்ற அறிவகை விலங்குகளை காணமுடிவதால் சுற்றுலா பயணிகள் மகிழ்ச்சியடைந்துதுள்ளனர். இதனால், ஏராளமான சுற்றுலா பயணிகள் காத்து நின்று சவாரி சென்றனர்.

மேலும் செய்திகள்

Like Us on Facebook Dinkaran Daily News
  • raajeshaathan20

    ராஜஸ்தானில் பேருந்து ஆற்றுக்குள் கவிழ்ந்து விபத்து: 25 பேர் பலி...பலர் கவலைக்கிடம்!

  • 27-02-2020

    27-02-2020 இன்றைய சிறப்பு படங்கள்

  • thodar vanmurai20

    கலவர பூமியாக மாறிய தலைநகர்: வன்முறையில் பலியானவர்களின் எண்ணிக்கை 23ஆக அதிகரிப்பு...தொடர்ந்து 4வது நாளாக பதற்றம் நீடிப்பு!

  • brezil20

    பிரேசில் கார்னிவல் 2020: ஆடம்பரமான ஆடைகளில் ஆடல் பாடலுடன் மக்கள் கொண்டாட்டம்!

  • vimaanam20

    பாலகோட் ஏர் ஸ்ட்ரைக் நினைவு நாள்: சர்ஜிக்கல் ஸ்ட்ரைக் 2.0 க்கு பயன்படுத்தப்படும் மிராஜ் -2000 போர் ஜெட் விமானங்கள் காட்சிக்கு வைப்பு!

படங்கள் வீடியோ கல்வி சினிமா ஜோ‌திட‌ம்