SUN குழுமத்திலிருந்து வெளிவரும் காலை நாளிதழ்

குற்றாலத்தில் ஐயப்ப பக்தர்கள் சுற்றுலா பயணிகள் குவிந்தனர்

2017-11-27@ 11:46:36

தென்காசி: குற்றாலத்தில் ஆண்டுதோறும் கார்த்திகை, மார்கழி மாதங்கள் ஐயப்ப பக்தர்களின் வருகை அதிகமிருக்கும். சபரிமலை செல்லும் பக்தர்கள் கார்த்திகை முதல் தேதியில் மாலை அணிந்து ஐயப்பனை தரிசிக்க செல்வர். சபரிமலை செல்லும் பக்தர்கள் குற்றாலத்தில் புனித நீராடிச் செல்வது வழக்கம்.

இந்த ஆண்டு குற்றாலத்தில் கார்த்திகை முதல் தேதி தண்ணீர் குறைவாக விழுந்தது. கடந்த சில தினங்களுக்கு முன்பு பெய்த மழையால் அருவிகளில் ஓரளவு தண்ணீர் நன்றாக விழுகிறது. மேலும் சபரிமலையில் நடை திறக்கப்பட்டு இரண்டு வாரங்கள் ஆவதால் தற்போது ஐயப்பனை தரிசிக்க செல்லும் பக்தர்களின் எண்ணிக்கையும் அதிகரித்துள்ளது.

நேற்று முன்தினம் வரை மாலையில் ஐயப்ப பக்தர்களின் வருகை அதிகமாக இருந்த நிலையில் விடுமுறை தினமான நேற்று சுற்றுலா பயணிகளின் வருகையும் ஓரளவு நன்றாக இருந்தது. குற்றாலத்தில் வெயிலும் இல்லாமல் அதே சமயத்தில் மழையும் இல்லாமல் நிலவும் இதமான சூழல் சுற்றுலா பயணிகள், ஐயப்ப பக்தர்களை மகிழ்ச்சியில் ஆழ்த்தியது. மெயினருவியில் ஆண்கள் மற்றும் பெண்கள் பகுதியில் தண்ணீர் நன்றாக விழுகிறது. ஐந்தருவியில் நான்கு பிரிவுகளில் ஓரளவு தண்ணீர் விழுகிறது. பழையகுற்றாலம், புலியருவி ஆகியவற்றில் தண்ணீர் குறைவாக விழுகிறது.

மேலும் செய்திகள்

Like Us on Facebook Dinkaran Daily News
  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்