SUN குழுமத்திலிருந்து வெளிவரும் காலை நாளிதழ்

தீபாவளியால் களைகட்டிய களக்காடு தலையணை பச்சையாற்றில் குளித்து மகிழ்ந்த சுற்றுலா பயணிகள்

2017-10-20@ 11:33:53

களக்காடு : தீபாவளி விடுமுறையால் களக்காடு தலையணை களை கட்டியது. இங்கு குவிந்த சுற்றுலா பயணிகள், தலையணையில் ஓடும் பச்சையாற்றில் குளித்து மகிழ்ந்தனர். பட்டாசுகள்  வெடித்து, புத்தாடை அணிந்து தீபாவளியை உற்சாகத்துடன் கொண்டாடிய பொதுமக்கள்  பல்வேறு சுற்றுலாதலங்களுக்கும் சென்றனர். இதேபோல் களக்காடு புலிகள் காப்பக மேற்குத்தொடர்ச்சி மலையில் உள்ள தலையணையிலும்  நேற்று பொதுமக்கள் கூட்டம் அலைமோதிய வண்ணம் இருந்தது. காலை முதலே சுற்றுலா  பயணிகள் படையெடுக்க துவங்கினர். அவர்கள் கார், வேன் டூவீலர்கள் மற்றும்  வாகனங்களில் வந்தனர்.

தலையணை சோதனை சாவடியில் மதுபாட்டில், பிளாஸ்டிக் பைகள் மற்றும் தடை செய்யப்பட்ட பொருட்களை சுற்றுலா பயணிகள்  கொண்டு  வருகிறார்களா? என்று வனத்துறையினர் தீவிரமாக சோதித்தனர். சிலர் கொண்டு வந்த பிளாஸ்டிக் பைகள் பறிமுதல் செய்யப்பட்டது.  நுழைவு கட்டணம் செலுத்திய பின் அவர்கள் வனப்பகுதிக்குள் அனுமதிக்கப்பட்டனர். குடும்பத்தினர் மற்றும் நண்பர்களுடன் வந்திருந்த  சுற்றுலா பயணிகள் தலையணையில் ஓடும் பச்சையாற்றில் குளித்து  மகிழ்ந்தனர்.

அங்குள்ள தடுப்பணை அருவியிலும் ஆர்வமுடன் குளித்தனர். பின்னர் அவர்கள் கொண்டு வந்திருந்த  உணவுகளை அங்கு வைத்து சாப்பிட்டனர். உள்ளூர் மட்டுமின்றி நெல்லை, தூத்துக்குடி, நாகர்கோவில் மற்றும் பல்வேறு பகுதிகளில் இருந்தும் சுற்றுலாபயணிகள் குவிந்திருந்தனர். ஆற்றுப்பகுதியில் சுற்றுலாபயணிகள் கூட்டம் அதிகளவில்  காணப்பட்டது. வேறு எங்கும் இல்லாத வகையில் தலையணையில் ஓடும் தண்ணீர் குளிர்ச்சியுடன் இருப்பதாக சுற்றுலா பயணிகள் தெரிவித்தனர். மழை இல்லாததால் கடந்த வாரத்தைவிட தலையணையில் தண்ணீர் வரத்து குறைந்தே காணப்பட்டது. களக்காடு புலிகள் காப்பக துணை இயக்குனர் இளங்கோ உத்தரவின் பேரில் வனசரகர் புகழேந்தி தலைமையில் வனத்துறையினர் பாதுகாப்பு பணியில் ஈடுபட்டனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • longestseabridge

    உலகில் எங்கும் இல்லாத தனிச்சிறப்புடன் கட்டி முடிக்கப்பட்ட உலகின் நீளமான கடல் பாலம்

  • delhi_strikepetrol18

    டெல்லியில் பெட்ரோல் பங்குகள் ஸ்டிரைக்: கால் டாக்சி, ஆட்டோ சேவைகள் முடக்கம் !

  • solarcar_race

    சூரிய மின்சக்திகளால் இயங்கும் கார்களுக்கான பந்தயம் சிலி நாட்டில் கொண்டாட்டம்!

  • hondurans_americatrump

    ஹோண்டராஸில் இருந்து அமெரிக்கா நோக்கி நடைபயணம் மேற்கொள்ளும் அகதிகள் !

  • snowfall_kedarnthpics

    கேதார்நாத், பத்ரிநாத்தில் உருவாகியுள்ள பனிப்பொழிவின் புகைப்படங்கள்!

படங்கள் வீடியோ கல்வி சினிமா ஜோ‌திட‌ம்