SUN குழுமத்திலிருந்து வெளிவரும் காலை நாளிதழ்

குரங்கு அருவியில் வெள்ளப்பெருக்கு: சுற்றுலா பயணிகள் குளிக்க தடை

2017-09-12@ 14:30:11

பொள்ளாச்சி: பொள்ளாச்சியை அடுத்த மேற்கு தொடர்ச்சி மலைப்பகுதியில் பெய்த கனமழையால், குரங்கு அருவியில் நேற்று மீண்டும் வெள்ளப்பெருக்கு ஏற்பட்டது. இதையடுத்து அங்கு சுற்றுலா பயணிகள் குளிக்க தடை விதிக்கப்பட்டுள்ளது. பொள்ளாச்சியை அடுத்த மேற்குதொடர்ச்சி மலை பகுதியில், கடந்த ஜூன் மாதத்திலிருந்து பெய்த தென்மேற்கு பருவ மழையால், ஆழியார் அருகே உள்ள குரங்கு அருவிக்கு தண்ணீர் வரத்து அதிகளவில் இருந்தது.

இதில் அவ்வப்போது, பொழிந்த கன மழைக்கு குரங்கு அருவியில் வெள்ளப்பெருக்கு ஏற்பட்டதையடுத்து, அங்கு சுற்றுலா பயணிகள் குளிக்க தடை விதிக்கப்பட்டது. பின், சில நாட்களில் தண்ணீர் குறைந்ததையடுத்து மீண்டும் சுற்றுலா பயணிகள் குளிக்க அனுமதி வழங்கப்பட்டது. இந்நிலையில் கடந்த இரண்டு வாரத்திற்கு மேலாக பொழிந்த மழையால், குரங்கு அருவிக்கு மீண்டும் தண்ணீர் வரத்து அதிகரித்தது.

இதில் நேற்று முன்தினம் பொழிந்த கனமழையால் குரங்கு அருவியில் நேற்று அதிகாலை முதல் தண்ணீர் வரத்து வழக்கத்தைவிட அதிகரிக்க துவங்கியது.   பின் நேரம் செல்ல செல்ல, பயணிகள் குளிக்கும் இடத்தை தாண்டி தண்ணீர் கட்டுக்கடங்காமல் கொட்டியதுடன், செம்மண் நிறத்தில் தண்ணீர் வந்தது. இதையடுத்து, அங்கு சுற்றுலா பயணிகள் செல்லவும், குளிக்கவும் தடை விதிக்கப்பட்டது. மேலும், குரங்கு அருவிக்கு சுற்றுலா பயணிகள் செல்வதை தடுக்க, தடுப்புகள் அமைத்து வனத்துறையினர் கண்காணிப்பில் ஈடுபட்டனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 20-06-2018

    20-06-2018 இன்றை சிறப்பு படங்கள்

  • sushmafrancepm

    பிரான்ஸ் அதிபருடன் சுஷ்மா சுவராஜ் சந்திப்பு : இருநாட்டு உறவுகள் குறித்து பேச்சுவார்த்தை

  • coolingtowersflorida

    அமெரிக்காவின் புளோரிடா மாகாணத்தில் குளிர்விப்பு கோபுரங்கள் வெடிவைத்து தகர்க்கப்படும் காட்சிகள்!

  • taiwaneseminimodels

    தைவானிய நுண்பொருள் கலைஞரால் வடிவமைக்கப்பட்ட மிகச்சிறிய மாதிரிகளின் புகைப்படத் தொகுப்பு

  • tentsforchildrenstexas

    அமெரிக்காவில் பெற்றோர்களிடமிருந்து பிரிக்கப்பட்ட குழந்தைகளுக்காக டெக்சஸில் கூடாரங்கள் அமைப்பு!

படங்கள் வீடியோ கல்வி சினிமா ஜோ‌திட‌ம்