SUN குழுமத்திலிருந்து வெளிவரும் காலை நாளிதழ்

பஞ்சலிங்க அருவியில் வெள்ளம்: திருமூர்த்தி அணைக்கு நீர்வரத்து அதிகரிப்பால் சுற்றுலா பயணிகளுக்கு தடை

2017-09-12@ 14:22:23

உடுமலை:  திருப்பூர் மாவட்டம் உடுமலை அருகேயுள்ள திருமூர்த்தி மலையில் அமணலிங்கேஸ்வரர் கோயில் உள்ளது. கோயிலின் மேலேயுள்ள மலையில் பஞ்சலிங்க அருவி உள்ளது. கோயிலை தரிசிக்கவும், அருவியில் குளிக்கவும் சுற்றுலா பயணிகள் தினசரி அதிகளவில் வருகின்றனர். பயணிகள் அருவியில் குளித்துவிட்டு வந்து அமணலிங்கேஸ்வரர் கோயிலில் தரிசனம் செய்வது வழக்கம்.
 
இந்நிலையில், பஞ்சலிங்க அருவி அமைந்துள்ள திருமூர்த்தி மலை பகுதியில் கடந்த சில நாட்களாக கன மழை பெய்து வருவதால், பஞ்சலிங்க அருவிக்கு வழக்கத்தை விட நீர் அதிகளவில் வந்து கொண்டிருக்கிறது. நேற்று காலை மேலும் நீர் வரத்து அதிகரித்ததால், அருவியில் மக்கள் நெருங்க முடியாத அளவிற்கு நீர் கொட்டியது. அருவியில் இருந்து வரும் நீர் ஓடையின் வழியாக அமணலிங்கேஸ்வரர் கோயிலை ஒட்டியவாறு சென்று திருமூர்த்தி அணையில் சேர்கிறது. நேற்று ஓடையில் நீர் வரத்து அதிகரித்ததால், அது கோயிலையும் சூழ்ந்தது.

இதனால் பக்தர்கள் கோயிலுக்கு செல்ல முடியாத நிலை ஏற்பட்டது. மக்கள் கோயில் பகுதிக்கு செல்லவும், அருவிக்கும் செல்லவும் வனத்துறையினர் மற்றும் கோயில் நிர்வாகத்தினர் தடை விதித்தனர். கடந்த 2ம் தேதியும் இதே போல் நீர் வரத்து அதிகரித்ததால், தடை விதிக்கப்பட்டது. நீர் வரத்து அதிகரிப்பால் திருமூர்த்தி அணையின் நீர் மட்டம் அதிகரித்து வருகிறது. மொத்தமுள்ள 60 அடி நீர்மட்டத்தில், நேற்று 53 அடியாக உள்ளது. நீர் வரத்து வினாடிக்கு 722 கன அடியாக உள்ளது. தற்போது அணையில் இருந்து பிஏபி 3ம் மண்டல பாசனத்திற்கு நீர் வினாடிக்கு 1,143 கன அடி வெளியேற்றப்பட்டு வருகிறது.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

  • stalin_arrestkaithu11

    தூத்துக்குடி துப்பாக்கிச்சூடு சம்பவம் தொடர்பாக மதுராந்தகத்தில் போராட்டத்தில் ஈடுபட்ட ஸ்டாலின் கைது

படங்கள் வீடியோ கல்வி சினிமா ஜோ‌திட‌ம்