SUN குழுமத்திலிருந்து வெளிவரும் காலை நாளிதழ்

கொல்லிமலையில் குவிந்த சுற்றுலா பயணிகள்

2017-08-21@ 14:05:31

சேந்தமங்கலம் :  கொல்லிமலையில் உள்ள அருவிகளில் தண்ணீர் வரத்து அதிகரித்துள்ளதால், சுற்றுலா பயணி கள் கூட்டம் அதிகரித்துள்ளது.
நாமக்கல் மாவட்டம் கொல்லிமலையில் கடந்த ஒரு வார காலமாக மழை பெய்து வருகிறது. இதனால் காட்டாறுகளில் தண்ணீர் பெருக்கெடுத்து ஓடுகிறது. அத்துடன் சீதோஷ்ண நிலையும் மாறி, ஜில்லென குளிர்ந்த காற்று வீசுகிறது.

தொடர் மழை காரணமாக, ஆகாய கங்கை நீர்வீழ்ச்சி, சினிபால்ஸ், மாசிலா அருவி, நம்மருவிகளில் அதிகளவில் தண்ணீர் கொட்டுகிறது. மேலும், கொல்லிமலையில் கட்டப்பட்டுள்ள தடுப்பணையும் நிரம்பி வழிகிறது. இந்நிலையில் நேற்று விடுமுறை நாள் என்பதால், சுற்றுலா பயணிகள் கூட்டம் அதிகளவில் காணப்பட்டது. இதனால் கொல்லிமலையே நீண்ட நாட்களுக்கு பிறகு களைகட்டி காணப்பட்டது.
 
கொல்லிமலையில் அரப்பளீஸ்வரர், எட்டுக்கை அம்மனை தரிசித்த சுற்றுலா பயணிகள், அருவிகளில் உல்லாச குளியல் போட்டு மகிழ்ந்தனர். இதனிடையே நேற்று ஆங்காங்கே மலையின் இடையே மேக கூட்டங்கள் தவிழ்ந்து சென்ற காட்சி சுற்றுலா பயணிகளை வெகுவாக கவர்ந்தது. சுற்றுலாபயணிகளின் வருகையையொட்டி, அன்னாசி, கொய்யா, வாழைப்பழங்கள் விற்பனை ஜோராக நடந்தது.

மேலும் செய்திகள்

Like Us on Facebook Dinkaran Daily News
  • modi1

    ஜி-20 உச்சி மாநாட்டில் பங்கேற்ற பிரதமர் மோடி ஜப்பான் பிரதமர் ஷின்சோ அபே உடன் சந்திப்பு

  • dr

    மியான்மரில் போதைப்பொருள் தடுப்பு தினத்தை முன்னிட்டு 747 கோடி மதிப்பிலான போதை பொருள்கள் தீ வைத்து அழிப்பு

  • hongkong

    சீனாவுக்கு நாடுகடத்தி விசாரிக்கும் மசோதாவை எதிர்த்து ஹாங்காங்கில் 1000க்கும் மேற்பட்டோர் போராட்டம்

  • jappan

    ஜப்பானில் நெற்பயிரில் உள்ள பூச்சிகளை அழிப்பதற்காக புதிய ரோபோ கண்டுபிடிப்பு

  • fire

    அமெரிக்காவின் புளோரிடா மாகாணத்தின் வனப்பகுதியில் மூன்று நாட்களாக காட்டுத் தீ

படங்கள் வீடியோ கல்வி சினிமா ஜோ‌திட‌ம்