SUN குழுமத்திலிருந்து வெளிவரும் காலை நாளிதழ்

நதிநீர் பிரச்சனைகளை தீர்த்து வைக்க வருகிறது தேசிய அளவில் ஒரே நடுவர் மன்றம் : மத்திய அமைச்சர் தகவல்

2018-04-17@ 14:40:54

டெல்லி : நாடு முழுவதும் நிலவக்கூடிய நதிநீர் பிரச்சனைகளுக்கு தீர்வு காண பல்வேறு நடுவர்மன்றங்களுக்கு பதிலாக தேசிய அளவில் ஒரே நடுவர் மன்றம் அமைக்கப்படும் என மத்திய அமைச்சர் அர்ஜுன் ராம் தகவல் தெரிவித்துள்ளார். கொல்கத்தாவில் நேற்று மத்திய நீர் வளத்துறை இணை அமைச்சர் அர்ஜுன் ராம் மேக்வால்  தலைமையில் 5 மாநிலங்களின் நீர் ஆதாரத் துறை அதிகாரிகளின் கூட்டம் நடைபெற்றது. இந்த கூட்டத்தில் பேசிய அமைச்சர் தேசிய அளவில் அமையவிருக்கிற நடுவர் மன்றம் மாநிலங்களுக்கு இடையிலான நதிநீர் பிரச்சனைகளை தீர்த்து வைப்பதோடு நீர் பாசன வசதிகளையும் ஏற்படுத்தும் என தெரிவித்தார்.

காவிரி, நர்மதை, கிருஷ்ணா உள்ளிட்ட பல்வேறு நதிகளுக்கு நடுவர் மன்றங்கள் அமைக்கப்பட்டு வருவதற்கு பதிலாக ஒரே ஒரு நதிநீர் நடுவர் மன்றம் அமைக்க முயற்சி மேற்கொள்ளப்பட்டு வருகிறது என்றும் இதற்காக மாநிலங்களுக்கு இடையிலான  நதிநீர் பிரச்சனை சட்டத் திருத்த மசோதா மக்களவையில் ஒப்புதலுக்காக அனுப்பி வைக்கப்பட்டுள்ளது என்றும் தெரிவித்தார். மேலும் தேசிய அளவிலான நடுவர் மன்றம் செயல்பாட்டிற்கு வரும்போது அதன் தீர்ப்பை இறுதியானதாக இருக்கும் என்றும் அதனை மாநில அரசுகள் கட்டாயம் அமல்படுத்தி ஆக வேண்டும் என்றும் அமைச்சர் தெரிவித்தார். தேசத்தின் பாதுகாப்பிற்காக மத்திய அரசு இந்த நடவடிக்கை எடுத்திருப்பதாகவும் அவர் கூறினார். 


மேலும் செய்திகள்

Like Us on Facebook Dinkaran Daily News
  • lisbon_tramp11

    லிஸ்பனில் டிராம் ரயில் தடம் புரண்டு விபத்து : 28 பேர் காயம்

  • 15-12-2018

    15-12-2018 இன்றைய சிறப்பு படங்கள்

  • AmazonIllegalMining

    அமேசான் மழைக்காடுகளில் தங்கம் எடுக்க சட்டவிரோதமாக தோண்டப்படும் சுரங்கங்கள்..: போலீசார் தீவிர சோதனை

  • chinasnowfall

    கடும் பனிப்பொழிவால் வெண் போர்வை போர்த்தியது போல காணப்படும் சீனாவின் கண்கவர் புகைப்படங்கள்

  • hungary_policepadhuga11

    புதிய தொழிலாளர் சட்டத்தை அமல்படுத்தியதை கண்டித்து ஆயிரக்கணக்கான ஹங்கேரியர்கள் போராட்டம்

படங்கள் வீடியோ கல்வி சினிமா ஜோ‌திட‌ம்