SUN குழுமத்திலிருந்து வெளிவரும் காலை நாளிதழ்

72 மணி நேரத்தில் 5,000 முறை வானில் பறந்து இந்திய போர் விமானங்கள் சாதனை

2018-04-17@ 14:39:57

டெல்லி: பாகிஸ்தான் எல்லையை ஒட்டியப் பகுதியில் போர்ப்பயிற்சியில் ஈடுபட்ட இந்திய விமானப்படை விமானங்கள், 72 மணி நேரத்தில் 5 ஆயிரம் முறை வானில் பறந்து சாதனை படைத்துள்ளன. சீனா மற்றும் பாகிஸ்தானை ஒட்டியுள்ள இந்திய எல்லைகளில், இந்திய விமானப்படையும், ரஷ்யப் படையும் இணைந்து, ககன்சக்தி என்ற போர் விமான பயிற்சியை கடந்த 10-ம் தேதி தொடங்கின. 23-ம் தேதி வரை நடைபெறவுள்ள இந்தப் பயிற்சியில் முதற்கட்டமாக, பாகிஸ்தான் எல்லையை ஒட்டி, பயிற்சி மேற்கொள்ளப்பட்டது.

இந்த இரண்டு வார காலப் பயிற்சி, இந்திய விமானப்படையின் போர் விமானப் பிரிவு உள்ளிட்ட அனைத்து விமானங்களும் பங்கேற்க உள்ளன என்று பாதுகாப்பு அதிகாரிகள் தெரிவித்தனர். அதேபோல், ஏவுகணைகளை வானிலேயே இடைமறித்து அழிக்கும் ஏவுகணைகள், ரேடார் மற்றும் கண்காணிப்பு கருவிகளும் பயிற்சியில் ஈடுபடுத்தப்பட்டுள்ளன. இரவும் பகலுமாக நடைபெறும் இந்தப் பயிற்சியின் நோக்கம் விமானப் படையின் போர் தொடுக்கும் திறனைச் சோதிப்பதாகும். இந்நிலையில், 3 நாட்களில் 5 ஆயிரம் முறை, இந்திய விமானப்படை விமானங்கள், வானில் பறந்துள்ளதாக தகவல் வெளியாகியுள்ளது.


மேலும் செய்திகள்

Like Us on Facebook Dinkaran Daily News
  • MummifiedFoal

    42 ஆயிரம் ஆண்டுகளுக்கு முன்பு இறந்த குதிரையின் உடலில் உறைந்த ரத்தம்..: ரஷ்ய விஞ்ஞானிகள் கண்டுபிடிப்பு

  • SriLankaHomage

    இலங்கை தொடர் வெடிகுண்டு தாக்குதலுக்கு உலகச் சமூகங்கள் அஞ்சலி: பிரான்சின் ஈபிள் டவரில் விளக்குகள் அணைப்பு!

  • selphiGorilla

    கொரில்லாக்களையும் விட்டு வைக்காத செல்ஃபி மோகம் : குஷியான போஸ்கள்

  • QingdaoNavalParade

    சீனாவில் நடைபெறவுள்ள பிரம்மாண்ட கப்பல் அணிவகுப்பை ஒட்டி துறைமுகம் வந்தடையும் பல்வேறு நாடுகளின் போர்க்கப்பல்கள்!

  • CaucaLandslide

    கொலம்பியாவில் கனமழை காரணமாக ஏற்பட்ட திடீர் நிலச்சரிவில் சிக்கி 14 பேர் பலி..: மீட்பு பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்