SUN குழுமத்திலிருந்து வெளிவரும் காலை நாளிதழ்

அனுமதியின்றி நிலத்தடி நீரை உறிஞ்சி விற்பனை அதிகாரிகளை கண்டித்து மக்கள் சாலை மறியல்: செங்குன்றத்தில் பரபரப்பு

2018-03-14@ 01:52:33

சென்னை: அரசு அனுமதியின்றி நிலத்தடி நீரை உறிஞ்சி தனியாருக்கு விற்பனை செய்யும் தனியார் நிறுவனம் மீது நடவடிக்கை எடுக்காத  அதிகாரிகளை கண்டித்து பொதுமக்கள் சாலை மறியலில் ஈடுபட்டதால் பரபரப்பு ஏற்பட்டது. சென்னை செங்குன்றம் அடுத்த விளாங்காடுபாக்கம் ஊராட்சிக்கு உட்பட்ட கன்னம்பாளையம் கிராமத்தில் 10க்கும் மேற்பட்ட இடங்களில், தனியார் சிலர்  அரசு அனுமதியின்றி ஆழ்துளை கிணறுகளில் ராட்சத மோட்டார் பொருத்தி, நிலத்தடி நீரை உறிஞ்சி  டேங்கர் லாரிகள் மூலம் சென்னையில் உள்ள  பிரபல ஓட்டல் மற்றும் தனியார் நிறுவனங்களுக்கு விற்பனை செய்து வருகின்றனர். இதனால், அப்பகுதி வீடுகளில் உள்ள கிணறுகளில் நிலத்தடி நீர்  குறைந்து வருவதாக கூறப்படுகிறது.
இதுகுறித்து அப்பகுதி மக்கள் மாதவரம் வட்டாட்சியர் மற்றும் அரசு உயர் அதிகாரிகளுக்கு பலமுறை புகார் தெரிவித்தும் அதிகாரிகள் எந்த  நடவடிக்கையும் எடுக்கவில்லை. இதனால், ஆத்திரமடைந்த அப்பகுதி மக்கள், அங்குள்ள மாநில நெடுஞ்சாலையில் நேற்று காலை மறியலில்  ஈடுபட்டனர்.

தகவலறிந்து வந்த செங்குன்றம் போலீஸ் இன்ஸ்பெக்டர் ராஜேந்திரன், விஏஓ சேகர் ஆகியோர் விரைந்து வந்து மறியலில் ஈடுபட்ட பொதுமக்களிடம்  சமரச பேச்சுவார்த்தை நடத்தினர். அப்போது, ‘இதுகுறித்து ஆய்வு நடத்தி, விதிமீறிய நிறுவனங்கள் மீது நடவடிக்கை எடுக்கப்படும்,’  என்று  உறுதியளித்தனர். இதையடுத்து, அனைவரும் கலைந்து சென்றனர். மறியல் போராட்டம் காரணமாக அப்பகுதியில் ஒரு மணி நேரம் போக்குவரத்து  பாதிக்கப்பட்டது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • TeacherTransfer

    ஆசிரியரின் பணியிட மாற்றத்தை எதிர்த்து மாணவர்கள் பாசப் போராட்டம்: திருவள்ளூர் அருகே நெகிழ்ச்சி

  • GoatYogaAmerica

    ஆடுகளின் உதவியுடன் செய்யும் வினோத யோகா...அமெரிக்காவில் மிகவும் பிரபலம்!

  • SurinameRamnath

    அரசு முறைப் பயணமாக சூரினாம் சென்றுள்ள குடியரசுத் தலைவர் ராம்நாத் கோவிந்த்: புகைப்படங்கள்..

  • ColorChangeinMrs

    புழுதி புயலால் நிறம் மாறிய செவ்வாய் கிரகம்: கியூரியாசிட்டி விண்கலம் எடுத்த புகைப்படம் வெளியீடு

  • Aurangzebarmynirmala

    ராணுவ வீரர் அவுரங்கசீப்பின் குடும்பத்தினரை நேரில் சந்தித்து நிர்மலா சீதாராமன் ஆறுதல்

படங்கள் வீடியோ கல்வி சினிமா ஜோ‌திட‌ம்