SUN குழுமத்திலிருந்து வெளிவரும் காலை நாளிதழ்

அரசு வக்கீல்கள் நியமன விவகாரம் சென்னை கலெக்டர் மீது நீதிமன்ற அவமதிப்பு வழக்கு: உயர் நீதிமன்றத்தில் முன்னாள் அரசு வக்கீல் தாக்கல்

2018-03-14@ 01:40:49

சென்னை: மாவட்ட செஷன்ஸ் நீதிமன்ற அரசு வக்கீல்கள் நியமனம் தொடர்பாக உயர் நீதிமன்றத்தின் உத்தரவை அமல்படுத்தாத சென்னை கலெக்டர்  மீது முன்னாள் அரசு வக்கீல் நீதிமன்ற அவமதிப்பு வழக்கு தொடர்ந்துள்ளார்.சென்னை முன்னாள் மாநகர அரசு வக்கீல் எம்.எல்.ஜெகன் தாக்கல் செய்துள்ள நீதிமன்ற அவமதிப்பு மனுவில் கூறியிருப்பதாவது:
சென்னை மாநகர அரசு வக்கீலாக கடந்த 2011 முதல் பணியாற்றி வந்தேன். இந்நிலையில் எந்தவித காரணத்தையும் தெரிவிக்காமல் 2017 ஜூன் 2ம்  தேதி என்னை பதவியிலிருந்து நீக்கம் செய்து மகளிர் நீதிமன்ற அரசு வக்கீலாக பதவி வகிக்கும் கவுரி அசோகன் என்பவருக்கு கூடுதல் பொறுப்பாக  மாநகர அரசு வக்கீல் பதவியை வழங்கி தமிழக அரசு ஆணை பிறப்பித்தது. இந்த உத்தரவை எதிர்த்து உயர் நீதிமன்றத்தில் வழக்கு தொடர்ந்தேன்.

வழக்கை விசாரித்த உயர் நீதிமன்றம், புதிய அரசு வக்கீல்கள் நியமனம் தொடர்பாக மாவட்ட நீதிபதியின் ஆலோசனையின் அடிப்படையில் சென்னை  மாவட்டக் கலெக்டர் புதிய வக்கீல்களின் பட்டியலை தயாரித்து 4 வாரங்களுக்குள் அரசுக்கு அனுப்ப வேண்டும். அந்த பட்டியலை அரசு பரிசீலித்து உரிய  உத்தரவு பிறப்பிக்க வேண்டும் என்று கடந்த ஆண்டு நவம்பர் 9ம் தேதி உத்தரவிட்டது.ஆனால், இந்த உத்தரவை சென்னை கலெக்டர் இதுவரை அமல்படுத்தவில்லை.

தொடர்ந்து கவுரி அசோகன் மாநகர அரசு வக்கீலாக பணியாற்ற அரசுத் தரப்பில் அனுமதி அளிக்கப்பட்டுள்ளது. எனவே, நீதிமன்றத்தின் உத்தரவை  அமல்படுத்தாத உள்துறை கூடுதல் தலைமைச் செயலாளர், சென்னை கலெக்டர் ஆகியோர் மீது நீதிமன்ற அவமதிப்பு நடவடிக்கை எடுக்குமாறு  உத்தரவிட வேண்டும்.இவ்வாறு மனுவில் கூறப்பட்டுள்ளது. இந்த மனு தலைமை நீதிபதி இந்திரா பானர்ஜி அடங்கிய முதல் டிவிஷன் பெஞ்சில் விரைவில் விசாரணைக்கு  வரவுள்ளது.


மேலும் செய்திகள்

Like Us on Facebook Dinkaran Daily News
  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

  • mexicomigrant

    மெக்ஸிகோவின் எல்லையான டிஜூயனா பகுதியில் முகாமிட்டுள்ள அகதிகள்

படங்கள் வீடியோ கல்வி சினிமா ஜோ‌திட‌ம்