SUN குழுமத்திலிருந்து வெளிவரும் காலை நாளிதழ்

மாணவர்கள் புதிய கண்டுபிடிப்பு ஹெல்மெட் அணிந்தால் மட்டுமே வாகனங்களை இயக்க முடியும்

2018-03-14@ 01:27:21

சென்னை: ஹெல்மெட் அணிந்தால் மட்டுமே வாகனத்தை இயக்க முடியும் என்று கண்டுபிடித்துள்ள மாணவர்களை வேலைவாய்ப்பு மற்றும்  பயிற்சித்துறை ஆணையர் பாராட்டியுள்ளார்.
தலைக்கவசம் அணியாமலும், மது அருந்திவிட்டு வாகனங்கள் ஓட்டுவதாலும் ஏற்படும் விபத்துக்களை குறைத்து பாதுகாப்பான பயணத்தை உறுதி  செய்திடும் வகையில் `பாதுகாப்பு தலைக்கவசம் மற்றும் தூங்கா கண்ணாடி’’ ஆகிய கருவிகளை வேலை வாய்ப்பு மற்றும் பயிற்சி துறையின்  என்.சி.வி.டி.யின் கீழ் அரியலூர் மாவட்டம் செந்துறையில் இயங்கி வரும் அறிஞர் அண்ணா தனியார் தொழிற்பயிற்சி நிலைய பயிற்சியாளர்கள்  வி.கணேசன், பி.சுபாஷ், ஜி.செல்வமுருகன், கே.கார்த்திக்ராஜா, ஆர்.தமிழ், டி.விஜயகாந்த், எம்.அரவிந்தன், என்.தெய்வசிகாமணி, எம்.சுந்தரபாண்டி,  பி.கமலக்கண்ணன், எஸ்.ரஞ்சித், எஸ்.செல்வமணி ஆகியோர் பயிற்றுநர்களின் உதவியுடன் கண்டுபிடித்துள்ளனர்.

இவர்களையும் இதற்கு உறுதுணை புரிந்த பயிற்றுநர்களையும் வேலைவாய்ப்பு மற்றும் பயிற்சித்துறையின் ஆணையர் ஜோதி நிர்மலாசாமி பாராட்டினார்.இந்த கருவியில் இரு சக்கர வாகனத்துடன் இணைக்கப்பட்டுள்ள தலைக்கவசத்தை அணிந்தால் மட்டுமே வாகனத்தை இயக்க இயலும். தலைக்கவசம்  பயன்படுத்தினாலும் மது அருந்தியிருப்பின் வாகனத்தை இயக்க இயலாது என்ற வசதியும் இதில் உள்ளது. எனவே இந்த கருவியின் மூலம் தலைக்கவசம் அணியாமலும், மது அருந்தியும் இருசக்கர வாகனங்கள் ஓட்டுவதால் ஏற்படும் விபத்துக்களை தடுக்க  இயலும். மேலும் வாகனத்தை இயக்கும்போது ஓட்டுநர் தூங்க ஆரம்பித்தால் அல்லது குறிப்பிட்ட நேரத்திற்கு மேல் கண்களை மூடினால் வாகனம்  தானாகவே எச்சரிக்கை ஒலி எழுப்பும்.  இந்த தொழிற்பயிற்சி நிலைய பயிற்சியாளர்களின் கண்டுபிடிப்புகள் தமிழ்நாடு சுற்றுலா வளர்ச்சி கழகம் சார்பில் சென்னை தீவுத்திடலில் நடைபெறும்  44வது இந்திய சுற்றுலா மற்றும் தொழில் கண்காட்சியிலும் இடம்பெற்றள்ளன.


மேலும் செய்திகள்

Like Us on Facebook Dinkaran Daily News
  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

  • mexicomigrant

    மெக்ஸிகோவின் எல்லையான டிஜூயனா பகுதியில் முகாமிட்டுள்ள அகதிகள்

படங்கள் வீடியோ கல்வி சினிமா ஜோ‌திட‌ம்