சென்னை: காஞ்சிபுரத்தை அடுத்த அவளூர் கிராமத்தைச் சேர்ந்தவர் நடராஜன் மகன் நாகேந்திரன் (48). இவர் காஞ்சிபுரம் அருகே அவளூரில் தனது சொந்த நிலத்தில் கோழிப்பண்ணை வைத்திருந்தார். கடந்த 23-6-2011ம் தேதி இரவு 10 மணிக்கு முன்விரோதம் காரணமாக அவளூரைச் சேர்ந்த திருநாவுக்கரசு மகன் பாக்கியராஜ் (33) கோழிப்பண்ணைக்கு தீவைத்தார்.  இந்த வழக்கு காஞ்சிபுரம் மாவட்ட நீதிமன்றத்தில் நடந்து வந்தது. வழக்கை விசாரித்த நீதிபதி குற்றவாளி பாக்கியராஜ்  கோழிப்பண்ணையை தீவைத்துக் கொளுத்தியது உறுதி செய்யப்பட்டதால் 2 ஆண்டு சிறைத்தண்டனையும், 1000 அபராதம் விதித்தும் தீர்ப்பு வழங்கினார்.