SUN குழுமத்திலிருந்து வெளிவரும் காலை நாளிதழ்

வேதாரண்யத்தில் இறந்து கரை ஒதுங்கும் ஆலிவர்ரெட்லி ஆமைகள்

2018-02-14@ 11:59:04

வேதாரண்யம்: வேதாரண்யம் கடற்கரையில் நேற்று மூன்று ஆலிவர்ரெட்லி ஆமைகள் இறந்து கரை ஒதுங்கின. நாகை மாவட்டம் வேதாரண்யம் கோடியக்கரை, மணியன்தீவு, புஷ்பவனம், ஆறுகாட்டுத்துறை ஆகிய பகுதிகளில் டிசம்பர் முதல் மார்ச் வரை பசிபிக் பெருங்கடலில் வசிக்கும் ஆலிவர்ரெட்லி ஆமைகள் வந்து முட்டையிட்டு செல்லும். இதனை வனத்துறையினர் எடுத்து பாதுகாத்து கோடியக்கரை ஆறுகாட்டுத்துறையில் உள்ள ஆமை குஞ்சு பொறிப்பகத்தில் வைத்து 50 நாட்களுக்கு பிறகு குஞ்சு வெளிவந்த பிறகு அதை கடலில் விடுகின்றனர். இந்த ஆண்டு இதுவரை முட்டையிடுவதற்கு வந்த ஆமைகளில் இருந்து ஆயிரத்திற்கும் மேற்பட்ட முட்டைகளை எடுத்து கோடியக்கரை, ஆறுகாட்டுத்துறை ஆமை குஞ்சு பொறிப்பகத்தில் வைத்துள்ளனர்.

இந்நிலையில் சென்ற மாதத்தில் இருந்து வேதாரண்யம், கோடியக்கரை, ஆறுகாட்டுத்துறை, மணியன்தீவு உள்ளிட்ட பல்வேறு கடற்கரை பகுதிகளில் இதுவரை நூற்றுக்கும் மேற்பட்ட ஆமைகள் இறந்து கரை ஒதுங்கியுள்ளன. இறந்து கரை ஒதுங்கிய ஆமைகள் 50 முதல் 100 கிலோ எடையுள்ளதாக இருந்தன. நேற்று வேதாரண்யம் கடற்கரையில் முட்டையிட வந்த மூன்று ஆலிவர்ரெட்லி ஆமைகள் இறந்து கரை ஒதுங்கியது. இவைகள் படகில் அடிபட்டும், பல்வேறு இயற்கை காரணங்களாலும் இறந்து கரை ஒதுங்கியிருக்கலாம் என மீனவர்கள் தெரிவித்தனர்.

தகவல் அறிந்து கோடியக்கரை வனச்சரக அலுவலர் அயூப்கான் மற்றும் வனத்துறையினர் ஆமைகளை கடற்கரையிலேயே கால்நடை உதவி மருத்துவர் மீனாட்சிசுந்தரம் மருத்துவ பரிசோதனை செய்த பின்னர் கடற்கரையிலேயே புதைத்துவிட்டனர். எந்த ஆண்டும் இல்லாத அளவில் இந்த ஆண்டு ஆமைகள் இறந்து கரை ஒதுங்குவது அதிக அளவில் உள்ளது. இந்த ஆமைகளை காப்பதற்கு மீனவர்கள் உதவியுடன் அரசு தகுந்த ஏற்பாடு செய்ய வேண்டும் என இயற்கை ஆர்வலர்கள் கோரிக்கை விடுத்துள்ளனர்.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்