SUN குழுமத்திலிருந்து வெளிவரும் காலை நாளிதழ்

காதலர் தினம் இன்று கொண்டாட்டம் : குமரி கடற்கரைகள், சுற்றுலா தலங்களில் பாதுகாப்பு ஏற்பாடு

2018-02-14@ 11:54:49

நாகர்கோவில்: காதலர் தினத்தையொட்டி குமரி மாவட்ட சுற்றுலா தலங்களில் தீவிர கண்காணிப்பு பணிகள் மேற்கொள்ளப்பட உள்ளன. காதலர் தினம் இன்று கொண்டாடப்படுகிறது. குமரி மாவட்டத்திலும் காதலர் தினத்தையொட்டி கடற்கரைகள் மற்றும் சுற்றுலா தலங்களில் ஏராளமான இளம் ஜோடிகள் வருவது வழக்கம். குறிப்பாக கன்னியாகுமரி, திற்பரப்பு போன்ற  சுற்றுலா தலங்களில் இளம் ஜோடிகள் அதிகளவில் வருவது வழக்கம். இதற்கிடையே பல்வேறு அமைப்புகள் சார்பில் காதலர் தினத்துக்கு எதிர்ப்பும் தெரிவிக்கப்பட்டு வருகிறது. காதலர் தினத்தையொட்டி பல்வேறு அமைப்புகள் போராட்டம் நடத்தவும் திட்டமிட்டு உள்ளன. காதல் ஜோடிக்கு ஆதரவாகவும் சில அமைப்புகள் நிகழ்ச்சிகள் நடத்த போவதாக கூறப்படுகிறது.

இதனால் காவல்துறையினர் தீவிர கண்காணிப்பில் ஈடுபட்டுள்ளனர். காதலர் தினத்தையொட்டி சுற்றுலா தலங்களில் காதல் ஜோடிகள் அதிகளவில் வரலாம் என்பதால் அங்கு பிரச்சினைகள் ஏற்படாத வகையில் போலீசார் கண்காணிக்க எஸ்.பி. நாத் உத்தரவிட்டுள்ளார். கன்னியாகுமரி, திற்பரப்பு, மாத்தூர் தொட்டி பாலம், சொத்தவிளை பீச், சங்குதுறை பீச் உள்ளிட்ட மாவட்டம் முழுவதும் உள்ள சுற்றுலா தலங்களில் போலீசார் கண்காணிக்க உள்ளனர். காதல் ஜோடிகள் அத்துமீறி நடந்து கொண்டாலும், காதல் ஜோடியிடம் வன்முறையில் ஈடுபட்டாலும் கடும் நடவடிக்கை எடுக்கப்படும் என போலீசார் எச்சரித்துள்ளனர்.  காதலர் தினத்துக்கு எதிர்ப்பு தெரிவித்து நாகர்கோவில் நகரில் நேற்று பல்வேறு இடங்களில் போஸ்டர்கள் ஒட்டப்பட்டு இருந்தன.


மேலும் செய்திகள்

Like Us on Facebook Dinkaran Daily News
  • 16-02-2019

    16-02-2019 இன்றைய சிறப்பு படங்கள்

  • BrightBrussels

    ஒளியின் மாயாஜாலத்தை மக்களுக்கு காண்பிக்க கொண்டாடப்படும் பிரைட் பிரஸ்ஸல்ஸ் திருவிழா: பெல்ஜியத்தில் கோலாகலம்

  • francelemon

    பிரான்சில் நடைபெற்ற 86வது லெமன் திருவிழா : பழங்களை கொண்டு பிரம்மாண்ட சிற்பங்கள் வடிவமைப்பு

  • TitanicReplicaChina

    முழு அளவிலான டைட்டானிக் கப்பலை மீண்டும் கட்டமைத்து வரும் சீனா..: புகைப்பட தொகுப்பு

  • train18modi

    டெல்லியில் ட்ரெயின் 18 'வந்தேபாரத் எக்ஸ்பிரஸ்'- ஐ கொடியசைத்து துவக்கி வைத்தார் பிரதமர் மோடி

படங்கள் வீடியோ கல்வி சினிமா ஜோ‌திட‌ம்