SUN குழுமத்திலிருந்து வெளிவரும் காலை நாளிதழ்

மத்திய அரசு ஊழியர் வீட்டில் 22 சவரன் கொள்ளை : வேலைக்கார பெண்ணிடம் விசாரணை

2017-12-08@ 00:29:30

சென்னை : மயிலாப்பூர் அப்பு தெரு சந்திப்பு சாலை தெரு அருகே உள்ள அடுக்குமாடி குடியிருப்பின் தரை தளத்தில் வசிப்பவர் சீதாலட்சுமி (79). ஓய்வு பெற்ற மத்திய அரசு ஊழியர். இவரது கணவர் ராமகிருஷ்ணன், சில ஆண்டுகளுக்கு முன் இறந்து விட்டார். இவர்களது மகன் அமெரிக்காவில் வேலை செய்து வருகிறார். இதனால், சீதாலட்சுமி மட்டும் வீட்டில் வசித்து வருகிறார். நேற்று முன்தினம் இவர் வீட்டை பூட்டிவிட்டு, தி.நகரில் உள்ள உறவினர் வீட்டிற்கு சென்றார். இதற்கிடையே இவரது வீட்டில் வேலை செய்யும் மயிலாப்பூர் லாலா தோட்டத்தை சேர்ந்த சாந்தி (51) என்பவர் நேற்று காலை வீட்டிற்கு வந்துள்ளார். அப்போது, வீட்டின் கதவில் பூட்டு இல்லாமல் இருந்துள்ளது. உள்ளே சென்று பார்த்த போது, வீட்டில் இருந்த பொருட்கள் சிதறி கிடந்துள்ளது.

உடனே இதுகுறித்து சீதாலட்சுமிக்கு தகவல் கொடுத்தார். அவர் விரைந்து வந்து பார்த்த போது பீரோவில் இருந்த 7.5 சரவன் தாலி செயின், 9.5 சவரன் கொண்ட 4 செட் வளையல், 2 சவரன் நெக்லஸ், 3 சவரன் மோதிரம் என 22 சவரன் நகை மாயமாகி இருந்தது. இதுகுறித்து சீதாலட்சுமி மயிலாப்பூர் காவல் நிலையத்தில் புகார் அளித்தார். விசாரணையில்  சீதாலட்சுமி வீட்டில் வேலை செய்யும் சாந்தி முன்னுக்கு பின் முரணாக பதில் அளித்ததாக கூறப்படுகிறது. இதனால், சாந்தியிடம் போலீசார் விசாரிக்கின்றனர்.

* பூந்தமல்லி அடுத்த செம்பரம்பாக்கத்தை சேர்ந்தவர் துரைராஜ் (40). பால் வியாபாரி. இவர், நேற்று மாலை நசரத்பேட்டையில் உள்ள பெட்ரோல் பங்கில் தனது லோடு ஆட்டோவுக்கு டீசல் போட்டு விட்டு மீண்டும் ஆட்டோவில் ஏறினார். அப்போது சீட்டுக்கு அடியில் வைத்திருந்த ரூ.1.80 லட்சம் கொள்ளை போனது தெரிந்தது. புகாரின்பேரில், நசரத்பேட்டை போலீசார் வழக்குப்பதிவு செய்து கொள்ளையர்களை தேடி வருகின்றனர்.



திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 15-12-2017

    15-12-2017 இன்றைய சிறப்பு படங்கள்

  • Ragul_Fishermen

    ஓகி புயலால் பாதிக்கப்பட்ட கன்னியாகுமரி, கேரளா மீனவர்களின் குடும்பத்தினருடன் ராகுல் காந்தி சந்திப்பு

  • AnubutiShatabditrain

    விமானம் போன்ற சொகுசு வசதிகளுடன் கூடிய அனுபூதி பெட்டி: சதாப்தி ரயில்களில் இயக்க ரயில்வே திட்டம்

  • JamaMasjid_Crack

    361 ஆண்டுகள் பழமையான ஜமா மசூதியில் விரிசல்: விரைவில் சீரமைக்க ஆர்வலர்கள் கோரிக்கை

  • PeriyaPandian_Homage

    காவல் ஆய்வாளர் பெரியபாண்டி உடல் சென்னை வந்தடைந்தது: கறுப்புப்பட்டை அணிந்து தலைவர்கள், அதிகாரிகள் இறுதி அஞ்சலி

படங்கள் வீடியோ கல்வி சினிமா ஜோ‌திட‌ம்