SUN குழுமத்திலிருந்து வெளிவரும் காலை நாளிதழ்

வான் எல்லையில் இந்தியாவின் ஆளில்லா விமானம் ஊடுருவல் : சீனா குற்றச்சாட்டு

2017-12-08@ 00:22:42

பீஜிங் : சீனாவின் வான் எல்லைக்குள் இந்தியாவின் ஆளில்லா விமானம் ஊடுருவி, விபத்துக்குள்ளானதாக சீனா குற்றம்சாட்டியுள்ளது. இந்தியாவுக்கு சொந்தமான ஆளில்லா விமானம், சீன வான் எல்லைக்குள் அத்துமீறி நுழைந்ததாக அந்நாட்டு ஊடகம் செய்தி வெளியிட்டுள்ளது. இந்நிலையில், ஆளில்லா விமானம் நொறுங்கி விழுந்ததாகவும், சோதனையில் அது இந்தியாவிற்கு சொந்தமானது என்பது தெரிய வந்துள்ளதாகவும் சீன ராணுவம் தெரிவித்துள்ளது. இது தொடர்பாக சீன ராணுவ அதிகாரி ஷங் சுய்லி கூறுகையில், “ இந்தியாவிற்கு சொந்தமான ஆளில்லா விமானம் சீனவான் எல்லைக்குள் ஊடுருவியது. அது விபத்திற்குள்ளானது. சீனாவின் பிராந்திய இறையாண்மையை இந்தியா மீறியுள்ளது” என்றார். சீனாவின் வெளியுறவுத் துறை  செய்தி தொடர்பாளர் கென்ஜ் சுவாங் கூறுகையில், “தூதரகம் மூலமாக எங்கள்து எதிர்ப்பை பதிவு செய்வோம்” என்றார்.

இது தொடர்பாக இந்திய பாதுகாப்பு துறை அமைச்சகம்  வெளியிட்டுள்ள அறிக்கையில், ‘ஆளில்லா விமானம் இந்திய பிராந்திய பகுதியில் வழக்கம் போல் பயிற்சியில் ஈடுபட்டு இருந்தது. அப்போது தொழில்நுட்ப கோளாறு காரணமாக கட்டுப்பாடு மையத்தினுடனான இணைப்பு துண்டிக்கப்பட்டு சிக்கிமில் உள்ள கட்டுப்பாடு கோட்டை தாண்டி சென்றுவிட்டது. இது குறித்து  சீனா ராணுவத்திற்கு தகவல் தெரிவிக்கப்பட்டது. அவர்கள் ஆளில்லா விமானம் இருந்த இடத்தை தெரிவித்தனர்’ என குறிப்பிடப்பட்டுள்ளது.

சீன அமைச்சர் இந்தியா வருகை

ரஷ்யா, இந்தியா மற்றும் சீன வெளியுறவு துறை அமைச்சர்கள் பங்கேற்கும் கூட்டம் டெல்லியில் வரும் 11ம் தேதி நடைபெற உள்ளது. இந்த கூட்டத்தில் பங்கேற்பதற்காக சீன வெளியுறவு துறை அமைச்சர் வாங் யி டெல்லிக்கு வருகை தருகிறார்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • tiruchurpooram

    கேரளாவில் பிரசித்திப் பெற்ற திருச்சூர் பூரம் திருவிழா : கோலாகலமாக நடந்தது

  • saintjordysayspain

    செயிண்ட் ஜோர்டி தினம் : ஸ்பெயினில் ஒருவருக்கொருவர் புத்தகங்கள், மலர்கள் பரிசளித்து கொண்டாட்டம்

  • bookfairchennai

    உலகப் புத்தக தினத்தையொட்டி சென்னை கன்னிமரா நூலகத்தில் நடைபெற்ற புத்தக கண்காட்சி நிறைவு

  • 26-04-2018

    26-04-2018 இன்றைய சிறப்பு படங்கள்

  • bangladesh_accd1

    1,134 உயிர்களை பலிகொண்ட ஆடை தொழிற்சாலை விபத்தின் 5ம் ஆண்டு நினைவு தினம் வங்கதேசத்தில் அனுசரிப்பு

படங்கள் வீடியோ கல்வி சினிமா ஜோ‌திட‌ம்