SUN குழுமத்திலிருந்து வெளிவரும் காலை நாளிதழ்

ஐசிசி டெஸ்ட் பேட்டிங் தரவரிசை : 2வது இடத்துக்கு முன்னேறினார் கோஹ்லி

2017-12-08@ 00:11:58

துபாய் : சர்வதேச கிரிக்கெட் கவுன்சிலின் டெஸ்ஸ்ட் போட்டிகளுக்கான பேட்டிங் தரவரிசையில், இந்திய அணி கேப்டன் விராத் கோஹ்லி 3 இடம் முன்னேறி 2வது இடத்தை பிடித்துள்ளார். இலங்கை அணியுடன் நடந்த டெஸ்ட் தொடரில் 610 ரன் விளாசி அசத்திய கோஹ்லி, அதிக இரட்டை சதம் விளாசிய கேப்டன்கள் பட்டியலில் வெஸ்ட் இண்டீசின் பிரையன் லாராவை பின்னுக்குத் தள்ளி உலக சாதனை படைத்தார். கொல்கத்தா ஈடன் கார்டனில் நடந்த முதல் டெஸ்டின் முதல் இன்னிங்சில் டக் அவுட்டான கோஹ்லி, அதன் பிறகு விளையாடிய 4 இன்னிங்சில் 104*, 213, 243, 50 ரன் அடித்தது குறிப்பிடத்தக்கது. இந்த சிறப்பான செயல்பாட்டின் மூலமாக ஐசிசி தரவரிசையில் அவர் 2வது இடத்துக்கு முன்னேறி உள்ளார். இலங்கை தொடருக்கு முன்பாக 6வது இடத்தில் பின் தங்கியிருந்த கோஹ்லி, தனது அமர்க்களமான ஆட்டத்தின் மூலம் ஆஸ்திரேலியாவின் டேவிட் வார்னர், செதேஷ்வர் புஜாரா (இந்தியா), கேன் வில்லியம்சன் (நியூசி.), ஜோ ரூட் (இங்கி.) ஆகியோரை பின்னுக்குத் தள்ளினார். தற்போது ஒருநாள் மற்றும் டி20 பேட்டிங் தரவரிசையில் முதலிடத்தில் உள்ள அவர், தென் ஆப்ரிக்க தொடரிலும் ரன் குவிப்பை தொடர்ந்தால் டெஸ்ட் ரேங்கிங்கிலும் முதலிடத்துக்கு முன்னேறும் வாய்ப்பு உள்ளது.

மூன்று வகை கிரிக்கெட் போட்டிக்குமான ஐசிசி தரவரிசையில் ஒரே நேரத்தில் நம்பர் 1 ஆக இருந்த ஒரே வீரர் என்ற பெருமை, ஆஸ்திரேலிய அணி முன்னாள் கேப்டன் ரிக்கி பான்டிங் வசம் உள்ளது. அவர் டிசம்பர் - ஜனவரி 2005-06ல் இவ்வாறு நம்பர் 1 அந்தஸ்தை கைப்பற்றி இருந்தார். மற்ற இந்திய வீரர்களில் முரளி விஜய் 3 இடம் முன்னேறி 25வது இடத்தை பிடித்துள்ளார். புஜாரா 2 இடம் பின்தங்கி 4வது இடத்தில் உள்ளார்.
பந்துவீச்சாளர்களுக்கான தரவரிசையில் இந்தியாவின் ஜடேஜா ஒரு இடம் பின்தங்கி 3வது இடத்தை பிடித்த நிலையில், அஷ்வின் 4வது இடத்தை தக்கவைத்துக் கொண்டுள்ளார். ஆல் ரவுண்டர்களுக்கான ரேங்கிங்கில் ஜடேஜா 2வது இடத்திலும், அஷ்வின் 4வது இடத்திலும் உள்ளனர். அணிகளுக்கான தரவரிசையில் இந்தியா தொடர்ந்து முதலிடத்தில் நீடிக்கிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 15-12-2017

    15-12-2017 இன்றைய சிறப்பு படங்கள்

  • Ragul_Fishermen

    ஓகி புயலால் பாதிக்கப்பட்ட கன்னியாகுமரி, கேரளா மீனவர்களின் குடும்பத்தினருடன் ராகுல் காந்தி சந்திப்பு

  • AnubutiShatabditrain

    விமானம் போன்ற சொகுசு வசதிகளுடன் கூடிய அனுபூதி பெட்டி: சதாப்தி ரயில்களில் இயக்க ரயில்வே திட்டம்

  • JamaMasjid_Crack

    361 ஆண்டுகள் பழமையான ஜமா மசூதியில் விரிசல்: விரைவில் சீரமைக்க ஆர்வலர்கள் கோரிக்கை

  • PeriyaPandian_Homage

    காவல் ஆய்வாளர் பெரியபாண்டி உடல் சென்னை வந்தடைந்தது: கறுப்புப்பட்டை அணிந்து தலைவர்கள், அதிகாரிகள் இறுதி அஞ்சலி

படங்கள் வீடியோ கல்வி சினிமா ஜோ‌திட‌ம்