SUN குழுமத்திலிருந்து வெளிவரும் காலை நாளிதழ்

உச்ச நீதிமன்றத்தில் மத்திய அரசு தகவல்: ஆதார் எண் இணைப்பு கெடு மார்ச் 31 வரை நீட்டிக்க தயார்

2017-12-08@ 00:04:13

புதுடெல்லி: வங்கி கணக்கு, பான் கார்டுடன் ஆதாரை இணைப்பதற்கான கெடு மார்ச் 31ம் தேதி வரை நீட்டிக்க தயார் என உச்ச நீதிமன்றத்தில் மத்திய அரசு தெரிவித்துள்ளது. இதற்கான அரசாணை இன்று வெளியாகலாம் என எதிர்பார்க்கப்படுகிறது. ஆதார் கட்டாயமாக்கப்படுவதை எதிர்த்து உச்ச நீதிமன்றத்தில் பல்வேறு வழக்குகள் தொடரப்பட்டுள்ளன. இந்நிலையில், தலைமை நீதிபதி தீபக் மிஸ்ரா முன்பு மனுதாரர்கள் தரப்பிலான வக்கீல்கள் நேற்று ஆஜராகி, ஆதார் கட்டாயத்திற்கு இடைக்கால தடை விதிக்க வேண்டும், ஆதாரை இணைக்காதவர்கள் மீது அரசு கடுமையான நடவடிக்கை மேற்கொள்ளக்கூடாது, அரசியல் சாசன அமர்வு விரைவில் அமைக்கப்பட வேண்டுமென கோரிக்கை விடுத்தனர்.

அப்போது மத்திய அரசு தரப்பில் அட்டர்னி ஜெனரல் கே.கே.வேணுகோபால் ஆஜராகி, ‘‘ஆதாருக்கு தடை விதிப்பது இயலாத காரியம். அரசின் பல்வேறு சேவைகள் மற்றும் திட்டங்களுக்கு ஆதார் கட்டாயத்திற்கான கெடுவை அடுத்த ஆண்டு மார்ச் 31ம் தேதி வரை நீட்டிக்க தயாராக உள்ளோம். ஆனால், மொபைல் எண் விஷயத்தில் அதற்கான கெடுவை நீட்டிப்பதில் சாத்தியமில்லை’’ என்றார். இதைக்கேட்ட தலைமை நீதிபதி தனது உத்தரவில்,” மத்திய அரசின் திட்டங்களுக்கு ஆதார் எண் கட்டாயம் என்பதற்கு எதிராக தொடரப்பட்ட அனைத்து வழக்குகளும் அடுத்த வாரம் விசாரணைக்கு எடுத்துக்கொள்ளப்படும்.

இதற்கான 5 நீதிபதிகள் கொண்ட அரசியல் சாசன அமர்வு அமைக்கப்படும். அதில் ஆதார் எண்ணிற்கு இடைக்கால உத்தரவு பிறப்பிப்பது தொடர்பான கோணத்திலும் நீதிபதிகள் விசாரணையை மேற்கொள்வார்கள்’’ என்றார்.இதைத்தொடர்ந்து, ஆதார் இணைப்பு கெடு நீட்டிப்புக்கான அதிகாரப்பூர்வ அரசாணை இன்று வெளியாகும் என தகவல்கள் கூறப்படுகிறது. இணைக்காவிட்டால் என்ன நடவடிக்கை?    டிச.31    வங்கி கணக்கு முடக்கப்படும் , பான் எண்    டிச.31    ரிட்டன் தாக்கல் முடங்கும்,மியூட்சுவல் பண்ட்    டிச.31    கணக்கு செயல்பாடு நிறுத்தப்படும்இன்சூரன்ஸ்    டிச.31    இன்சூரன்ஸ் பாலிசி முடக்கப்படும் தபால் துறை கணக்கு    டிச.31    கணக்குகள் முடக்கப்படும்,மொபைல் எண்    பிப்.6    சேவை நிறுத்தப்படும்
‘மாற்றம் இல்லை’ : ஆதார் எண் வழங்கும் உதய் (UIDAI) நிறுவனம் நேற்று வெளியிட்ட அறிவிப்பில், ‘‘ஆதார் இணைப்பு கெடுவில் இதுவரை எந்த மாற்றமும் அதிகாரப்பூர்வமாக செய்யப்படவில்லை. ஆதாருக்கு தடை விதிக்கப்பட்டவதாக வெளியான வீடியோ 2015ல் பதிவு செய்யப்பட்டது. அப்போதைய உச்ச நீதிமன்ற உத்தரவு அது. எனவே, வீடியோ பதிவில் கூறப்படுபவை சட்டப்படி தற்போது பொருந்தாது’’ என குறிப்பிடப்பட்டுள்ளது.

மேலும் செய்திகள்

Like Us on Facebook Dinkaran Daily News
  • 24-10-2018

    24-10-18 இன்றைய சிறப்பு படங்கள்

  • FoamFightScotland

    முதலாம் ஆண்டு மாணவர்களை வித்தியாசமான முறையில் வரவேற்ற ஸ்காட்லாந்து பல்கலைக்கழம்: புகைப்படங்கள்

  • SALTMarchRashtrapti

    ராஷ்டிரபதி பவன் அருங்காட்சியகத்தில் புதிதாக வைக்கப்பட்டுள்ள காந்தியடிகளின் உருவ சிலைகள்: மாணவர்கள் கண்டுகளிப்பு

  • NagoroJapanVillage

    ஜப்பானில் உள்ள தீவில் வெறிச்சோடிய கிராமத்தை பொம்மைகளால் உயிரூட்டிய பெண்: குவியும் சுற்றுலா பயணிகள்

  • FallFoilageWorld

    உலகின் பல்வேறு நாடுகளில் எடுக்கப்பட்ட இலையுதிர் காலத்தின் அழகிய புகைப்படங்கள்

படங்கள் வீடியோ கல்வி சினிமா ஜோ‌திட‌ம்