SUN குழுமத்திலிருந்து வெளிவரும் காலை நாளிதழ்

மதுக்கடைகளை அகற்ற தீவிர போராட்டம் : ராமதாஸ் அறிக்கை

2017-11-15@ 01:28:16

சென்னை: மதுக்கடைகளை அகற்ற தீவிர போராட்டம் நடத்தும் சூழல் ஏற்பட்டுள்ளது என்று  பாமக நிறுவனர் ராமதாஸ் கூறினார். இதுகுறித்து, அவர் வெளியிட்டுள்ள அறிக்கையில் கூறியிருப்பதாவது: தமிழகத்தில் தேசிய, மாநில நெடுஞ்சாலைகளில் மதுக்கடைகளை நடத்த விதிக்கப்பட்ட தடை நகர் பகுதிகளுக்கு பொருந்தாது என்றும், அப்பகுதிகளில் மதுக்கடைகளை தாராளமாக நடத்திக் கொள்ளலாம் என்றும் உச்ச நீதிமன்றம் விளக்கமளித்திருக்கிறது. உச்ச நீதிமன்றத்தின் இந்த விளக்கம் பெரும் அதிர்ச்சி அளிக்கிறது. இந்த தீர்ப்பு சாலை விபத்துக்களை கட்டுப்படுத்துவதில் பெரும் பின்னடைவை ஏற்படுத்தும்.

நெடுஞ்சாலைகள் எனப்படுபவை மாநகரங்களையும், நகரங்களையும், கிராமங்களையும் இணைப்பவைதான். நகர பகுதிகளுக்குள் செல்லும் நெடுஞ்சாலைகளில் உரிமம் பெற்று அமைக்கப்பட்டுள்ள மதுக்கடைகளை 2016ம் ஆண்டு டிசம்பர் 15ம் தேதி அளித்த தீர்ப்பு தடை செய்யவில்லை. இது நாடு முழுவதும் உள்ள நகரப் பகுதிகளுக்கு  பொருந்தும்’’ என்று கூறித்தான் நகரப்பகுதிகளில் மதுக்கடைகளை திறக்க உச்ச நீதிமன்றம் அனுமதி அளித்துள்ளது. இது உச்ச நீதிமன்றம் ஏற்கனவே அளித்த இரு தீர்ப்புகளுக்கும், இயற்கை நீதிக்கும்  எதிராக உள்ளது.

தமிழகத்தில் நெடுஞ்சாலையோர மதுக்கடைகளை அகற்றுவதற்கான முயற்சியில் சிறிய பின்னடைவு   ஏற்பட்டிருக்கிறது. மதுவை ஒழித்து மக்களைக் காக்க வேண்டும் என்பதுதான் பாமகவின் நோக்கம். அதிலிருந்து பாமக ஒருபோதும் பின்வாங்காது. தமிழகத்தில் முழுமையான மதுவிலக்கை ஏற்படுத்துவதற்கான போராட்டத்தை தீவிரப்படுத்துவதற்கான நேரம் வந்துவிட்டது. அதை உணர்ந்து மதுவுக்கு எதிராக தீவிரமான போராட்டங்களை பாமக  நடத்தும் என்றார். 

மேலும் செய்திகள்

Like Us on Facebook Dinkaran Daily News
  • 21-10-2018

    21-10-2018 இன்றைய சிறப்பு படங்கள்

  • dussehraa_11

    நாடு முழுவதும் தசரா பண்டிகை கோலாகல கொண்டாட்டம்

  • 20-10-2018

    20-10-2018 இன்றைய சிறப்பு படங்கள்

  • tirupathivavacha

    திருப்பதி நவராத்திரி பிரம்மோற்சவம் : சக்கரத்தாழ்வார் தீர்த்தவாரியுடன் நிறைவு

  • kulasaidasaraeight

    வெகு விமர்சையாக கொண்டாப்பட்டு வரும் குலசேகரபட்டிணம் தசரா திருவிழா

படங்கள் வீடியோ கல்வி சினிமா ஜோ‌திட‌ம்