SUN குழுமத்திலிருந்து வெளிவரும் காலை நாளிதழ்

தேர்தலில் கூட்டணி வைக்க அதிமுகவில் ஒரு அணியை பாஜ பலப்படுத்துகிறது : திருநாவுக்கரசர் குற்றச்சாட்டு

2017-11-15@ 01:21:52

சென்னை: தேர்தலில் கூட்டணி வைக்கவே அதிமுகவில் ஒரு அணியை பாஜ பலப்படுத்துகிறது என்று திருநாவுக்கரசர் கூறினார்.  மறைந்த பிரதமர் ஜவஹர்லால் நேரு பிறந்த நாளை முன்னிட்டு, சத்தியமூர்த்தி பவனில் அலங்கரித்து வைக்கப்பட்டிருந்த அவரது உருவபடத்துக்கு தமிழக காங்கிரஸ் தலைவர் திருநாவுக்கரசர் மலர் தூவி மரியாதை செலுத்தினார். அவரை தொடர்ந்து கட்சி நிர்வாகிகள் ஏராளமானோர் கலந்து கொண்டு மரியாதை செலுத்தினர். முன்னதாக திருநாவுக்கரசர் நிருபர்களிடம் கூறியதாவது: அதிமுகவில் ஒரு அணியை பலப்படுத்தவும், மற்றொரு அணியை பலவீனப்படுத்தும் வகையில் குறி வைத்து சோதனை நடத்துவதை கண்டிக்கிறோம்.

பலப்படுத்தும் அணிக்கு சின்னம் தந்து உள்ளாட்சி, நாடாளுமன்ற தேர்தல்களில் கூட்டணி வைக்கவுமே பாஜக மற்றொரு அணியை பலவீனப்படுத்துகின்றனர் என்ற சந்தேகம் எழுந்துள்ளது. சேகர்ரெட்டி, அன்புநாதன், தலைமை செயலாளர் வீடுகளில் நடத்தப்பட்ட வருமான வரித்துறை சோதனை பற்றி எந்த தகவலும் இதுவரை தெரிவிக்கவில்லை. எம்ஜிஆர் மருத்துவமனையில் இருந்த போது, பிரதமராக இருந்த இந்திராகாந்தி தனி விமானம் ஏற்பாடு செய்து அவரை அமெரிக்காவில் சிகிச்சை பெறச் செய்தார்.  

இதனால் அவர் 3 ஆண்டுகள் கூடுதலாக வாழ்ந்தார். அதேபோன்று ஜெயலலிதா சிகிச்சை பெற்ற போது அமெரிக்கா, சிங்கப்பூருக்கு சிகிச்சைக்கு அழைத்து சென்றிருந்தால் பிழைத்திருக்க வாய்ப்புள்ளது. அதற்கான முயற்சியை  பிரதமர் அலுவலகமும், இங்குள்ள அமைச்சரவையும் ஏன் எடுக்கவில்லை. இதை விசாரணைக்கு உட்படுத்த வேண்டும். அப்போது, மத்திய அரசு, மத்திய சுகாதாரத்துறை, இங்குள்ள முதல்வர் அலுவலகம் ஆகியவற்றில் விசாரணை நடத்தவேண்டும். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • 22-10-2018

    22-10-2018 இன்றைய சிறப்பு படங்கள்

  • 21-10-2018

    21-10-2018 இன்றைய சிறப்பு படங்கள்

  • dussehraa_11

    நாடு முழுவதும் தசரா பண்டிகை கோலாகல கொண்டாட்டம்

  • 20-10-2018

    20-10-2018 இன்றைய சிறப்பு படங்கள்

  • tirupathivavacha

    திருப்பதி நவராத்திரி பிரம்மோற்சவம் : சக்கரத்தாழ்வார் தீர்த்தவாரியுடன் நிறைவு

படங்கள் வீடியோ கல்வி சினிமா ஜோ‌திட‌ம்