SUN குழுமத்திலிருந்து வெளிவரும் காலை நாளிதழ்

பரப்பன அக்ரஹாரா சிறையில் சசிகலாவுக்கு 5 அறைகள் ஒதுக்கியது அம்பலம் : வினய்குமாரின் 300 பக்க அறிக்கையில் தகவல்

2017-11-15@ 01:17:47

பெங்களூரு: பரப்பன அக்ரஹாரா சிறையில்  கைதியாக உள்ள சசிகலாவிற்கு வி.ஐ.பி.  சலுகை வழங்கியது உண்மைதான் என வினய் குமாரின் 300  பக்க அறிக்கையில்  பரபரப்பு தகவல் வெளியாகியுள்ளது. பெங்களூரு சிறை முறைகேடு குறித்து விசாரணை நடத்திய வினய்குமாரின் 300 பக்க  அறிக்கையில் இடம்பெற்றுள்ள சிறப்பு அம்சம் குறித்து தனியார் தொலைக்காட்சியில் ஒளிப்பரப்பாகி பரபரப்பை ஏற்படுத்தியது.  அறிக்கையில்  குறிப்பிடப்பட்டுள்ள  முக்கிய அம்சங்கள் வருமாறு:  தண்டனை கைதியான சசிகலாவிற்கு இதுவரை வழங்காத வி.ஐ.பி சலுகைகள்   வழங்கப்பட்டுள்ளது. அதாவது சசிகலா தூங்குவதற்கு, சாப்பிடுவதற்கு, பூஜை  செய்வதற்கு, யோகாசனம் செய்வதற்கு என 5 அறைகள்  ஒதுக்கப்பட்டிருந்தது.

இதில்  சசிகலாவை தவிர வேறு யாரும் உள்ளே நுழைய அனுமதிக்கவில்லை. இளவரசி மட்டும்  சென்று வந்தார். மேலும் சசிகலாவிற்கு  வழங்கப்பட்டிருந்த அறையின் ஜன்னல்  மற்றும் கதவுகளை துணிகளால் மறைத்து வைத்திருந்துள்ளனர். பிரத்யேக  மருத்துவம், சமைப்பதற்கு பெண்  கைதிகள், சமையலுக்கு தேவையான பொருட்கள்,  தூங்குவதற்கு மெத்தை, பொழுதுபோக்கிற்கு டி.வி உள்பட பல சலுகைகள்   வழங்கப்பட்டது. இது  தவிர பிற கைதிகளை போன்று சசிகலாவிற்கு கைதிகள் ஆடை வழங்கப்படவில்லை.  

சாதாரண உடையில் சுதந்திரமாக அவர் நடமாடி  வந்துள்ளார். மேலும் பார்வையாளர்களை சசிகலா சந்திப்பதற்கு சிறை அதிகாரிகள்  கிருஷ்ணகுமார்  மற்றும் அனிதா சார்பில் உதவிகள் செய்யப்பட்டுள்ளது. சட்ட  விதிமுறைகளை மீறி ஒன்றுக்கும் மேற்பட்டவர்கள் சசிகலாவை வந்து சந்தித்து   சென்றுள்ளனர். இதற்காக பிரத்யேக அறை அவருக்கு ஒதுக்கப்பட்டிருந்தது. கதவை  அடைத்தபடியே அவர் உறவினர்களிடம் பேசியுள்ளார். 4 முதல் 5  மணி நேரம் வரை  உறவினர்களிடம் பேசுவதற்கு அனுமதி அளிக்கப்பட்டது. இவ்வாறு அறிக்கையில் குறிப்பிடப்பட்டுள்ளதாக வெளியான தகவல்கள்  பரபரப்பை ஏற்படுத்தியுள்ளது.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • CherobylNuclearPowerplant

    32 ஆண்டுகளுக்கு முன் பேரழிவை உண்டாக்கிய செர்னோபில் அணுமின் நிலையத்தின் தற்போதயை நிலை: புகைப்படங்கள் வெளியீடு

  • ImmanueltrumpMeet

    அமெரிக்க அதிபர் டொனால்ட் டிரம்புடன் பிரான்ஸ் அதிபர் இம்மானுவேல் மேக்ரான் சந்திப்பு: புகைப்படங்கள்

  • SvetlanaVillageRussia

    மாற்றுத்திறனாளிகள் மட்டுமே வாழும் அதிசய கிராமம்: சேவை நோக்கத்துடன் உடனிருக்கும் தன்னார்வ தொண்டர்கள்!

  • karaneeswarargod

    காரணீஸ்வரர் திருக்கோயில் சித்திரை திருவிழா : சவுடல் விமானத்தில் காரணீஸ்வரர்

  • TorontoPedestriansAttack

    கனடாவில் பாதசாரிகள் மீது வேன் ஏற்றி தாக்குதல்: 10 பேர் பரிதாபமாக உயிரிழப்பு

படங்கள் வீடியோ கல்வி சினிமா ஜோ‌திட‌ம்