SUN குழுமத்திலிருந்து வெளிவரும் காலை நாளிதழ்

முதலிடத்துக்கு முன்னேற ஜடேஜாவுக்கு வாய்ப்பு

2017-11-15@ 01:16:26

துபாய் : டெஸ்ட் போட்டிகளுக்கான பந்துவீச்சாளர் மற்றும் ஆல் ரவுண்டர் தரவரிசையில், இந்தியாவின் ரவீந்திர ஜடேஜா மீண்டும் முதலிடத்துக்கு முன்னேறும் வாய்ப்பு கிடைத்துள்ளது. ஐசிசி தரவரிசையில் இரு பிரிவிலும் தற்போது 2வது இடத்தில் உள்ள ஜடேஜா (28 வயது), இதுவரை 32 டெஸ்ட் போட்டியில் விளையாடி 155 விக்கெட் மற்றும் 1136 ரன் எடுத்துள்ளார். பவுலர்களுக்கான பட்டியலில் முதல் இடத்தில் உள்ள இங்கிலாந்தின் ஜேம்ஸ் ஆண்டர்சனை விட அவர் 12 புள்ளிகள் மட்டுமே பின்தங்கியுள்ளார். ஆல்ரவுண்டர் ரேங்கிங்கில் வங்கதேசத்தின் ஷாகிப் அல் ஹசன் 8 புள்ளிகள் கூடுதலாக பெற்று நம்பர் 1 ஆக உள்ளார்.

இந்த நிலையில் இலங்கைக்கு எதிரான டெஸ்ட் தொடரில் சிறப்பாக விளையாடினால், இரு பிரிவிலும் ஜடேஜா மீண்டும் முதலிடத்துக்கு முன்னேற முடியும். பேட்டிங் தரவரிசையில் 6வது இடத்தில் உள்ள கேப்டன் விராத் கோஹ்லி, ஆஸி. தொடக்க வீரர் வார்னரை விட ஒரு புள்ளி மட்டுமே பின்தங்கியுள்ளார். அவரும் சிறப்பாக ரன் குவித்தால் டாப் 5ல் இடம் பிடிக்கலாம். லோகேஷ் ராகுல் (8), துணை கேப்டன் அஜிங்க்யா ரகானே (9), ஷிகர் தவான் (30), முரளி விஜய் (36), விருத்திமான் சாஹா (47) ஆகியோர் பேட்டிங் தரவரிசையில் முன்னேறும் வாய்ப்பு உள்ளது.

இந்திய பந்துவீச்சாளர்களில் ரவிச்சந்திரன் அஷ்வின் (4வது இடம்), முகமது ஷமி (19), உமேஷ் யாதவ் (27), இஷாந்த் ஷர்மா (29), புவனேஷ்வர் குமார் (37) ஆகியோர் விக்கெட் வேட்டை நடத்தினால் தரவரிசையில் முன்னேற முடியும். இங்கிலாந்து - ஆஸ்திரேலியா மோதும் ஆஷஸ் டெஸ்ட் தொடரும் அடுத்த வாரத்தில் தொடங்க உள்ளதால், தரவரிசையில் முன்னேறுவதற்கு கடும் போட்டி இருக்கும் என்பதில் சந்தேகமில்லை.


திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • Hungarystudentsstruggle

    ஹங்கேரியில் கல்வி தரத்தை உயர்த்த கோரி ஆயிரக்கணக்கணக்கான மாணவர்கள் போராட்டம்

  • colambiaparaglidingworldcup

    கொலம்பியாவில் உலகக் கோப்பை பாராகிளைடிங் போட்டி: பல்வேறு பகுதியிலிருந்து வீரர்கள் உற்சாகமாக பங்கேற்பு

  • turkey_dust_storm

    துருக்கி, சிரியா ஆகிய நாடுகளில் வீசிய புழுதிப் புயல்: பொதுமக்களின் இயல்பு வாழ்க்கை பாதிப்பு

  • republic_vilaaa

    குடியரசு தின விழா : வண்ணமயமான ஒளியில் மின்னும் ராஷ்திரபதி பவன்

  • 20-01-2018

    20-01-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்