SUN குழுமத்திலிருந்து வெளிவரும் காலை நாளிதழ்

எஸ்.ஐ.க்கு பெண் காவலர் மசாஜ் : வைரலாகும் வீடியோவால் காவல்துறை அதிர்ச்சி

2017-11-15@ 01:16:19

ஐதராபாத் : தெலங்கானா மாநிலம், கட்வாலா மாவட்டத்தில் உள்ள ஜோகுலம்பாவில் ஆயுதப்படையில் துணை உதவி ஆய்வாளராக பணியாற்றுபவர் ஹாசன். ஆயுதப்படை அலுவலகத்தில் ஊர்க்காவல் படையை சேர்ந்த பெண் காவலர் ஒருவர் ஹாசனுக்கு மசாஜ் செய்வது போன்ற வீடியோ தற்போது சமூக வலைதளங்களில் வைரலாக பரவி வருகின்றது. சட்டம், ஒழுங்கை பாதுகாக்கும் பொறுப்பில் உள்ள உதவி ஆய்வாளர் இதுபோன்று நடந்துகொண்டுள்ளது பல்வேறு தரப்பினரையும் அதிர்ச்சிக்குள்ளாக்கியது.

உதவி ஆய்வாளருக்கு பெண் காவலர் மசாஜ் செய்யும் வீடியோ காட்சிகள் பல்வேறு தொலைக்காட்சிகளில் நேற்று திரும்ப திரும்ப ஒளிபரப்பப்பட்டன. இதனால் காவல்துறை அதிகாரிகள் அதிர்ச்சி அடைந்துள்ளனர். மசாஜ் வீடியோ குறித்து விசாரணை நடத்தும்படி டிஐஜி உத்தரவிட்டார்.இது தொடர்பான முதல்கட்ட விசாரணையில் பல்வேறு தகவல்கள் தெரியவந்துள்ளது. கடந்த சில மாதங்களுக்கு முன், அலுவலகத்தில் பணியில் இருந்த உதவி ஆய்வாளருக்கு முதுகு வலி ஏற்பட்டுள்ளது.

இதனால் அவர் பெண் காவலரை வலி நிவாரணி தைலத்தால் தேய்த்து விடும்படி கூறியுள்ளார். உதவி ஆய்வாளர் கேட்டுக்கொண்டதற்கிணங்க பெண் காவலரும் அவருக்கு மருந்து தேய்த்துவிட்டதாக தெரிகிறது. இதனை அங்கிருந்த யாரோ வீடியோ எடுத்து வெளியிட்டுள்ளனர். வலி காரணமாக மருந்து தேய்க்க கூறினாலும் இது பணி விதிமுறையை மீறிய செயல் என காவல்துறை நிர்வாகம் தெரிவித்துள்ளது. இதனிடையே சம்பந்தப்பட்ட உதவி ஆய்வாளர் ஹாசனை சஸ்பெண்ட் செய்து நடவடிக்கை எடுக்கப்பட்டுள்ளதாக கட்வாலா மாவட்ட எஸ்பி தெரிவித்துள்ளார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • SwanCountingEngland

    இங்கிலாந்தில் மகாராணி எலிஸபெத்திற்கு சொந்தமான அன்னப்பறவைகள் கணக்கெடுக்கும் பணி தொடக்கம்!

  • MilkProtestMaharashtra

    மகாராஷ்டிரத்தில் பால் உற்பத்தியாளர்கள் பாலை தரையில் ஊற்றி போராட்டம்: பால் விலையை ஏற்றக் கோரிக்கை

  • CrocodilesIndonesia

    300 முதலைகளை ஒரே நேரத்தில் கொன்று குவித்த கிராம மக்கள்: இந்தோனேஷியாவில் பயங்கரம்

  • trumpputinmeet

    பின்லாந்தில் அமெரிக்க அதிபர் டிரம்ப் - ரஷ்ய அதிபர் புதின் இடையே முக்கிய பேச்சுவார்த்தை

  • obamakenya

    கென்யா சென்ற முன்னாள் அமெரிக்க அதிபர் பாரக் ஒபாமாவிற்கு மக்கள் உற்சாக வரவேற்பு

படங்கள் வீடியோ கல்வி சினிமா ஜோ‌திட‌ம்