சென்னை: பாமக நிறுவனர் ராமதாஸ் வெளியிட்டுள்ள அறிக்கை: சென்னை ஆதம்பாக்கத்தில் காதலிக்க மறுத்த இந்துஜா என்ற பட்டதாரிப் பெண்ணை  அதே பகுதியைச் சேர்ந்த ஆகாஷ் என்ற இளைஞர் கொடூரமான முறையில் எரித்துக் கொலை செய்திருக்கிறார். இந்த தாக்குதலில் அப்பெண்ணின்  தாயாரும், சகோதரியும் தீக்காயம் அடைந்து உயிருக்கு போராடிக் கொண்டிருக்கின்றனர். காதல் விவகாரத்தில் நடந்துள்ள இந்தக் கொடூரக் கொலை  பேரதிர்ச்சியும், வேதனையும் அளிக்கிறது.

பெண்களை பின்தொடர்ந்து வந்து பாலியல் தொல்லை மற்றும் சீண்டல்களில் ஈடுபடுவோருக்கு கடும் தண்டனை அளிக்க வேண்டும். இதற்காக  மகளிரைக் கொண்ட தனிக்காவல் பிரிவு ஏற்படுத்தப்பட வேண்டும். தேவைப்பட்டால் தனிச்சட்டமும் இயற்றப்பட வேண்டும். பெண்களின் பாதுகாப்பை   உறுதி செய்ய வேண்டும்.இவ்வாறு அதில் கூறப்பட்டுள்ளது.