SUN குழுமத்திலிருந்து வெளிவரும் காலை நாளிதழ்

சிறுநீர் மூலம் உரம் தயாரிக்கும் திட்டம் சேகரித்து வரும் விவசாயிகளுக்கு லிட்டருக்கு ₹1 வீதம் வழங்கப்படும்

2017-11-15@ 00:49:22

நாக்பூர் : மத்திய தரைவழி மற்றும் கப்பல் போக்குவரத்து துறை அமைச்சர் நிதின் கட்கரி நாக்பூரில் நேற்று அளித்த பேட்டி: மனிதர்களின் சிறுநீர் மூலம் உரம் தயாரிக்கும் திட்டம் விரைவில் செயல்படுத்தப்படும். இதற்காக ஒவ்வொரு தாலுகா அளவிலும் சிறுநீர் வங்கி(யூரின் பாங்க்) தொடங்கப்படும். சிறுநீர் மூலம் உரம் தயாரிக்கலாம். இவ்வாறு தயாரித்தால் வெளிநாடுகளில் இருந்து யூரியா இறக்குமதி செய்வது குறையும். சிறுநீர் மூலம் உரம் தயாரிக்கும் திட்டம் இப்போது ஆரம்ப நிலையில்தான் உள்ளது. நமது நாட்டு விஞ்ஞானிகளுடன் இது குறித்து தற்போது ஆலோசனை நடத்தப்பட்டு வருகிறது.

மனிதர்களின் சிறுநீரில் ஏராளமான நைட்ரஜன் உள்ளது. ஆனால், அதனை நாம் வீணாக்கி கொண்டிருக்கிறோம். ஒரு கழிவு பொருளை ஆக்கப்பூர்வமாக பயன்படுத்த வேண்டும் என்பது எனது விருப்பம். சிறுநீர் மூலம் உரம் தயாரிக்கும் திட்டத்தால் யாருக்கும் எந்த பாதிப்பும் ஏற்படப் போவதில்லை. பாஸ்பரஸ் மற்றும் பொட்டாசியம் ஆகியவற்றுக்கு மாற்றாக நாம் ஏற்கனவே இயற்கை உரத்தை பயன்படுத்தி வருகிறோம். இதனுடன் நைட்ரஜனையும் சேர்த்தால் வேளாண் உற்பத்தியை மேலும் பெருக்க முடியும்.

இதனால் ஒவ்வொரு தாலுகா அளவிலும் சிறுநீர் வங்கி தொடங்கப்படும். இங்கு விவசாயிகள் சிறுநீரை கொண்டு வந்து கொடுக்க வேண்டும். இதற்காக அரசங்காமே விவசாயிகளுக்கு 10 லிட்டர் கொள்ளளவு கொண்ட கேன்களை கொடுக்கும். அந்த கேன்களில் விவசாயிகள் சிறுநீரை சேகரித்து சிறுநீர் வங்கிக்கு கொண்டு வந்து கொடுக்க வேண்டும். இதற்காக ஒரு லிட்டர் சிறுநீருக்கு ஒரு ரூபாய் வீதம் விவசாயிகளுக்கு வழங்கப்படும். முதற்கட்டமாக நாக்பூர் மாவட்டம் தப்பேவாடா கிராமத்தில்(நிதின் கட்கரியின் சொந்த ஊர்) லேப்ரட்டரி அமைக்கப்பட்டு விரைவில் பணிகள் தொடங்கப்படும். இவ்வாறு அவர் கூறினார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • Hungarystudentsstruggle

    ஹங்கேரியில் கல்வி தரத்தை உயர்த்த கோரி ஆயிரக்கணக்கணக்கான மாணவர்கள் போராட்டம்

  • colambiaparaglidingworldcup

    கொலம்பியாவில் உலகக் கோப்பை பாராகிளைடிங் போட்டி: பல்வேறு பகுதியிலிருந்து வீரர்கள் உற்சாகமாக பங்கேற்பு

  • turkey_dust_storm

    துருக்கி, சிரியா ஆகிய நாடுகளில் வீசிய புழுதிப் புயல்: பொதுமக்களின் இயல்பு வாழ்க்கை பாதிப்பு

  • republic_vilaaa

    குடியரசு தின விழா : வண்ணமயமான ஒளியில் மின்னும் ராஷ்திரபதி பவன்

  • 20-01-2018

    20-01-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்