SUN குழுமத்திலிருந்து வெளிவரும் காலை நாளிதழ்

இன்று முத்தமிழறிஞர் கலைஞரின் 97-வது பிறந்தநாள்: மெரினா நினைவிடத்தில் தொண்டருக்கு திருமணம் நடத்தி வைத்து திமுக தலைவர் மு.க.ஸ்டாலின் வாழ்த்து...!

2020-06-03@ 08:37:10

சென்னை: முத்தமிழறிஞரும், முன்னாள் முதல்வருமான கலைஞரின் 97வது பிறந்தநாள் இன்று (ஜூன் 3-ம் தேதி) தமிழகம் முழுவதும் கொண்டாப்படுகிறது. இது தொடர்பாக மு.க.ஸ்டாலின் நேற்று வெளியிட்ட அறிக்கையில், ஜூன் 3ம் தேதி(இன்று) அனைத்து மாவட்ட-ஒன்றிய-நகர- பகுதி-வட்ட-பேரூர்- கிளைக் கழக நிர்வாகிகள் அவரவர் இடங்களிலேயே தலைவர் கலைஞர் அவர்களின் திருவுருவப் படத்திற்கும் - திருவுருவச் சிலைக்கும் மாலை அணிவித்து மரியாதை செலுத்திட வேண்டுகிறேன்.

கொரோனா பரவலால், குறிப்பாக சென்னையில் தலைவர் கலைஞர் பிறந்தநாளுக்கான எவ்வித ஆடம்பர நிகழ்வுகளையும் நடத்த வேண்டாம். திமுக தலைவர் பொறுப்பில் உள்ள நான் தலைவர் கலைஞருக்கு மரியாதை செலுத்தும் நிகழ்விலும் யாரும் அணி திரண்டிட வேண்டாம் என அன்புடன் கேட்டுக் கொள்கிறேன். ஏற்கனவே அறிவித்ததற்கிணங்க நலத்திட்ட உதவிகளை கழக நிர்வாகிகள் மேற்கொள்ளுமாறு கேட்டுக் கொள்கிறேன். அவரவர் இடங்களிலிருந்தே சமூக ஒழுங்கினைக் கடைப்பிடித்து,  தலைவர் கலைஞருக்கு மரியாதை செலுத்தியும் உதவிகள் செய்தும் தலைவர் கலைஞரின் புகழ் போற்றுவோம். இவ்வாறு அறிக்கையில் கூறிப்பிட்டிருந்தார்.

இந்நிலையில், முத்தமிழ் அறிஞர் கலைஞரின் 97-வது பிறந்தநாளை முன்னிட்டு சென்னை மெரினா கடற்கரையில் உள்ள அவரது நினைவிடத்தில் திமுக தலைவர் மு.க.ஸ்டாலின் மலர்தூவி மரியாதை செலுத்தினார். மு.க.ஸ்டாலினுடன், திமுக எம்.பி. கனிமொழி, திமுக மூத்த தலைவர் துரைமுருகன், திமுக நாடாளுமன்ற உறுப்பினர் டி.ஆர் பாலு, திமுக இளைஞரணி செயலாளர் உதயநிதி ஸ்டாலின் உள்ளிட்டோரும் மரியாதை செலுத்தினர். மேலும், கலைஞர் நினைவிடத்தில் வைத்து திமுக தொண்டர் அசோக் குமார், மகாலட்சுமி-க்கு திருமணத்தை நடத்தி வைத்து, புதிய தம்பதிக்கு பரிசுகள் வழங்கி மு.க.ஸ்டாலின் வாழ்த்து தெரிவித்தார்.


மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்