SUN குழுமத்திலிருந்து வெளிவரும் காலை நாளிதழ்

கொரோனா பணியால் தினமும் மனஉளைச்சல் இப்படி ஒரு ஆட்டம் போட்டாதானே... டாக்டர்கள் மன அழுத்தமும் போகும்: கர்நாடகாவில் அசத்தல்

2020-06-02@ 11:36:40

பெங்களூரு: கர்நாடகாவில் கொரோனா வைரஸ் பரிசோதனை மையங்கள் நான்கைந்து  இடங்களில் உள்ளன. அதுபோல் விக்டோரியா உள்ளிட்ட மருத்துவமனையில் கொரோனா   வைரஸ் தொற்றினால் பாதிக்கப்பட்ட நபர்களுக்கு சிகிச்சை அளிக்கப்பட்டு  வருகிறது.  கொரோனா வார்டில் பணியாற்றும் ஊழியர்கள் முதல் டாக்டர்களுக்கு  பல்வேறு சுகாதார வழிமுறைகள் வகுக்கப்பட்டுள்ளன. கொரோனா வார்டில்  பணியாற்றும் டாக்டர்கள் 6 மணி நேரத்திற்கு பிறகு அவர்களுக்கு ஒதுக்கப்பட்ட  தனி அறையில் தங்கியுள்ளனர்.  கொரோனா வைரஸ் தொற்றுக்கு சிகிச்சை அளிப்பதால்  டாக்டர்கள் ,நர்சுகள் உள்ளிட்டோருக்கு மன அழுத்தம் அதிகமாக காணப்பட்டது.

இதைத்தொடர்ந்து  மன அழுத்தம் நீங்குவதற்கு நடனம், நகைச்சுவை துணுக்குகளை கூறுதல் உள்ளிட்ட சில யுக்திகள் கையாளப்பட்டது. சிகிச்சை முடிந்து அறைக்கு திரும்பிய பிறகு 30 நிமிடம்  டாக்டர்கள் தினமும் ‘ஹாப்பி டான்ஸ்’ ஆடலாம் என அறிவுறுத்தப்பட்டது. அதன்படி   டாக்டர்கள் முழு கவச உடையுடன் நடனம் ஆடி வருகின்றனர். இதுகுறித்து  டாக்டர்கள் கூறுகையில், “கொரோனா கிட் உடை அணிவதால் இருக்கமான  சூழ்நிலையை சந்தித்து வருகிறோம். இதை போக்க, தற்போது, நடனம் ஆடி வருகிறோம்.  இதனால், எங்கள் மனதிற்கு உற்சாகம் கிடைக்கிறது. மன அழுத்தம்  நீங்குகிறது. மேலும், சில டாக்டர்கள் மொபைலில் படம் பார்த்து  மகிழ்கின்றனர். கொரோனா வைரஸ் நோயாளிகளுக்கு சிகிச்சை அளிப்பதை எங்களுக்கு  கிடைத்த வரப்பிரசாதமாக கருதுகிறோம்’’ என்றனர்.


மேலும் செய்திகள்

Like Us on Facebook Dinkaran Daily News
  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

  • vettukili15

    மத்திய பிரதேசத்தில் ஆயிரக்கணக்கில் புற்றீசல் போல படையெடுக்கும் வெட்டுக்கிளிகள்: ஆபத்தை அறியாமல் பலர் செல்போனில் படம்பிடிக்கும் கொடுமை!

படங்கள் வீடியோ கல்வி சினிமா ஜோ‌திட‌ம்