SUN குழுமத்திலிருந்து வெளிவரும் காலை நாளிதழ்

இந்தியாவில் நேற்று... பிளஸ் - 6,088 மைனஸ் - 148: வென்றவர்கள் எண்ணிக்கை 41%

2020-05-23@ 01:18:55

புதுடெல்லி: இந்தியாவில் நேற்று கொரோனாவால் புதிதாக 6,088 பேர் பாதித்தனர். 148 பேர் இறந்தனர். குணமானவர்கள் எண்ணிக்கை 40.97 சதவீதமாக உயர்ந்துள்ளது. நாட்டில் ஏற்பட்டுள்ள கொரோனா பாதிப்பு குறித்து மத்திய சுகாதார அமைச்சகம் தினமும் அறிக்கை வெளியிட்டு வருகிறது. 24 மணி நேர அடிப்படையில் இந்த புள்ளி விவரம் வெளியிடப்படுகிறது. நேற்று அது வெளியிட்ட அறிக்கை: நாட்டில் கொரோனா நோய் தொற்றால் பாதிக்கப்பட்டோரின் மொத்த எண்ணிக்கை ஒரு லட்சத்து 18 ஆயிரத்து 447. இவர்களில் 66,330 பேர் சிகிச்சை பெற்று வருகின்றனர். 48,533 பேர் சிகிச்சை பெற்று குணமாகி உள்ளனர். குணமானவர்கள் எண்ணிக்கை 40.97 சதவீதமாக உயர்ந்துள்ளது. நாட்டில் கடந்த 24 மணி நேரத்தில் 6,088 பேர் கொரோனாவால் பாதித்துள்ளனர்.

மேலும், வியாழன் காலை முதல் கடந்த 24 மணி நேரத்தில் வைரஸ் பாதித்த 148 பேர் உயிரிழந்துள்ளனர். இதில், அதிகப்பட்சமாக மகாராஷ்டிராவில் 64 பேர் இறந்துள்ளனர். தொடர்ந்து குஜராத்தில் 24, டெல்லி 18, உத்தரப் பிரதேசம் 11, தமிழ்நாடு 7, மேற்கு வங்கம் 6, தெலங்கானா 5, ராஜஸ்தான் 4, மத்தியப் பிரதேசம் 3, ஜம்மு காஷ்மீர் 2, பீகார், ஒடிசா, அரியானா மற்றும் பஞ்சாபில் தலா ஒருவர் இறந்துள்ளனர். இதன் மூலம், நாடு முழுவதும் கொரோனாவால் இறந்தவர்கள் மொத்த எண்ணிக்கை 3583 ஆக உயர்ந்துள்ளது.

இவ்வாறு அதில் கூறப்பட்டுள்ளது. உலகளவில் குணமான கொரோனா நோயாளிகளின் சதவீதம், சில நாடுகளில் 50 சதவீதம் கூட உள்ளது. இந்தியாவில் கடந்த வாரத்தில் குணமானவர்களின் எண்ணிக்கை 36 சதவீதமாக இருந்தது. இது தற்போது 41 சதவீதத்தை எட்டியுள்ளது.


மேலும் செய்திகள்

Like Us on Facebook Dinkaran Daily News
  • siva5

    1100 ஆண்டுகள் பழமை வாய்ந்த பிரம்மாண்ட மணற்கல் சிவலிங்கம் வியட்நாம் அகழ்வாராய்ச்சியில் கண்டுபிடிப்பு!

  • death5

    கொரோனாவின் கோரப்பிடியில் சிக்கியுள்ள பிரேசில்: ஒரே நேரத்தில் நூற்றுக்கணக்கான சடலங்களை கல்லறையில் புதைக்கும் மக்கள்!!!

  • coronaa5

    புலம்பெயர்ந்த தொழிலாளர்கள் சொந்த ஊர் திரும்புவதால் கிராமபுறங்களில் அதிகரிக்கும் கொரோனா பாதிப்பு: புகைப்படங்கள்

  • locust4

    ராஜஸ்தான் உட்பட வடமாநிலங்களில் வெட்டுக்கிளிகள் தொடர் படையெடுப்பு!: பயிர்களை நாசம் செய்வதால் விவசாயிகள் வேதனை!!!

  • ingland4

    இங்கிலாந்தில் 5000 ஆண்டுகளுக்கு முன் வாழ்ந்த உயிரினத்தின் கொம்பு கண்டுபிடிப்பு: புகைப்படங்கள்

படங்கள் வீடியோ கல்வி சினிமா ஜோ‌திட‌ம்